Кытын юо сылалэн чай?

Удмурт Дунне
By Удмурт Дунне Октябрь 7, 2016 15:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
img_1195

Ирина Трубицына: Калмыкъёслэн чайзы, пе, Бурятия палъёсын туж вӧлмемын. Мар, пе, отчы поно? Гожтӥ «йӧл но сылал».

Этнография калыкъёсты матэгес каре

Матын улӥсь калыкъёс сярысь тодӥськомы, нош палэнысьёссэ — умгес. Тупатсконо! Таӵе мылкыдын Ижысь Эшъяськон юртысь потӥзы этнография диктантэз гожъясьёс.

Туэ со нырысьсэ ортчиз. Малпан юнме Удмуртиын ӧз вордӥськы. Шаерамы уло 134-лэсь ятыр калыкъёс. Но тодӥськом меда ми сям-йылолъёссы, улэм-вылэмзы сярысь?

— Россия узыр пӧртэм но тунсыко калыкъёсын. Та ужрадэн ми сое нош ик возьматыны турттӥм, — вераз нациосын ужан политикая министр Лариса Буранова. — Улон возьматэ, калыкъёс куспын керетонъёс, вожпотонъёс, валамтэос ӵемысь кылдо, ог-огмы, культураосмы сярысь ум тодӥське ке. Соин ик, мон малпамъя, этнография Россиын огез валтӥсез наука луыны кулэ.

Юанъёсты малпазы Историяя, кылъя но литературая Удмурт институтын но Нациосын ужан политикая министерствоын ужасьёс. Соос пӧртэм удысъёсты ӟыгыртыны турттӥзы — калыкъёслэн сиён-юонъёссы, литературазы, улон интызы, Россилэн калыкъёс ласянь политикаез… 30 юан адямилы выль тодон-валан сётэ. Кылсярысь, якутъёс, пе, одӥг кырӟанзэс дугдылытэк 7 уй но нунал ӵоже кырӟало. Тужгес кузяз эпосазы 36 сюрс чур, со Гомерлэн «Илиадаезлэсь» 2 поллы кузьгес. Нош юанэз таӵе: кызьы нимаське якутъёслэн тужгес кузь эпоссы?

diktant2

Нациосын ужан политикая министр Лариса Буранова: Улон возьматэ, калыкъёс куспын керетонъёс, вожпотонъёс, валамтэос ӵемысь кылдо, ог-огмы, культураосмы сярысь ум тодӥське ке.

Диктантэз гожтӥзы Россиысь 85 улосвылъёсысь 841 интыын, со сяна, акция борды итӥськизы на Турциысь 3 ӟуч школаос. Шаерамы тест гожтӥзы 79 интыын. Нош кин лыктыны ӧз быгаты, соос юанъёсты Интернетысь шедьтӥзы. Озьы диктантэ пыриськизы 80 сюрслэсь ятыр адямиос. Ижысь Эшъяськон юртэ, кылсярысь, вуиз 97 мурт.

Ижысь К. Герд нимо гимназиысь  пиналъёс 20 кузя лыктӥллям. Кызьы вера 10-тӥ классын дышетскисьёслэн географиен дышетӥсьсы Р. Гафуров, тросэзлы юанъёслы валэктонъёсты пиналъёс урокъёсысь тодо. Озьы ке но соос диктантлы юромо дасяськиллям, Интернетын бугыръяськыса.

— Шуг вал нылкышноослэн йыре пононъёсынызы герӟаськем юан: удмуртъёслэн, кылсярысь, айшон, ӟучъёслэн кокошник, нош чувашъёслэн но мордваослэн кыџе? — мылкыдзэ вера Ренат Гафуров. — Со сяна, мынам табере тодэме потэ, кытын сылэ тужгес вужез (пуктэмын 8-тӥ даурын) мечеть. Мон гожтӥ Дербентын. Интернетысь учко ни.

diktant

Та диктантэз гожтэмзы бере адямиос Интернетын, книгаосын бугыръяськыны кутскизы ке — со ини бадӟым вормон.

Алнаш ёросысь Кузёбай гуртысь Света Гареева дышетске К. Герд нимо гимназиын. Солы тунсыко потӥллям калыкъёслэн сиён-юонъёссы.

— Мон ноку но ӧй кылылы хинкали, азу, хаш сярысь, — вера нылаш. — Рецептъёссэс шедьтӥ ке, я гуртын, я общежитиын пӧраны туртто.

— Туж тунсыко юан вал калмыкъёслэн чайзы сярысь, со, пе, Бурятия палъёсын туж вӧлмемын. Мар, пе, отчы поно? Гожтӥ «йӧл но сылал», — вера Ирина Трубицына. — Бурятиысь калыкъёс сярысь видеоролик учки вал — бурят пияш нылашсэ семьяеныз тодматыны вае. Анай-атайёсыз малпало, нылаш ӟуч вераське бере, со ӟуч шуыса, куспазы сипырто ни: адӟом, кызьы со милемлы чай лэсьтоз, тани сакыр поноз ай. Нош нылаш бурят сямен юа: тӥледлы чаяды кӧня сылал пононо? Та выллем серемез поттӥсь но со дыре калык культураез возьматӥсь удмурт роликъёсты мон уг тодӥськы. Нош со туж кулэ вылэм.

Та диктантэз гожтэмзы бере адямиос Интернетын, книгаосын бугыръяськыны кутскизы ке — со ини бадӟым вормон. Нош кин, кӧня баллы гожтӥз, тодмо луоз, толэзь ортчыса гинэ. Кузьымъёс со понна чакламын ӧвӧл.

Мария Векшина

Туспуктэмъёс: «ЛИФТ» юрт

Удмурт Дунне
By Удмурт Дунне Октябрь 7, 2016 15:32 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<