Кык рулен машина, яке ма со математика

Удмурт Дунне
By Удмурт Дунне 14 октября, 2016 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Национальной библиотекаын ортчиз «Удмурт шаер» клублэн пумиськонэз. Таяз радэ куноын вал физика-математика наукаосъя доктор, Удмурт кун университетысь профессор Светлана Попова.

Тодосчи С. Попова капчиен вераны быгатэ математика сярысь.

Тодосчи С. Попова капчиен вераны быгатэ математика сярысь.

Национальной библиотекалэн кивалтӥсезлэн воштӥсез Анна Семёнова верамъя, 30 ар ӵоже клуб тодматэ  ни шаерысьтымы дано  историкъёсын, кылчиосын, врачъёсын, юристъёсын но мукет тодосчиосын. Но татчыозь одӥг математикен но пумиськон ӧй вал на. Та удыс оло мӧзмыт, оло секыт потэ асьмелы. Соин ик таиз кенешон тунсыко луыны кулэ.

— Зэмзэ ке, математика чик но мӧзмыт ӧвӧл, — оскытыны выре Удмуртиысь наука удысысь дано ужась Светлана Попова. — Математикатэк одӥг вамыш но лэсьтыны уг луы. Кызьы меда сое творческой адямиослы валэктоно? Тани, шуом, вань самолёт, вань солэн автопилотэз. Та арбери быдэсак «гожтэмын» математика кылын. Лобӟе ракета, тӥ сое уд адӟиське, уд быгатӥське музъемысен рульзэ бергатыны, ыстыны кытчы кулэ. Ракета ас сюрессэ ачиз тодэ ини, малы ке шуоно со математика законъёсъя кылдытэмын.

Светлана Николаевна 39 аресаз доктор диссертацизэ утиз, со вылэ пыкиськыса ик, Белоруссиысь профессорен  Евгений Макаровен валче поттӥз «Управляемость асимптотических инвариантов нестандартных линейных систем» монографизэ. Та книгаен но Светлана Николаевналэн мукет ужъёсыныз тодматӥз Национальной библиотекаын дасям адӟытон. Книгалэн нимыз тросэзлы номыр уз вера, сое огкутскемен лыдӟыны но уз быгатэ, дыр. Но пӧртэм задачаосты сэрттэм, уно юанъёслы валэктэм сяна, та книгалэн аслаз аспӧртэмлыкез но гочатонэз вань ӵапак математикалэсь кыдёкын луись адямиослы. Монографилэн котькуд люкетэз кутске удмурт но белорус калык веранэн. Кылсярысь, нырысетӥ главаез усьтэ таӵе пословица: «Кут кутамлэсь азьло кабзэ лэсьты», нош белорус сямен со тазьыгес чузъяське: «Без инструмента и лапти не сплести». Автор возьматыны тырше — математикалэн ас кабъёсыз.

Пумиськонэ вуэмын вал тодосчилэн Удмурт кун университетысь ӵош ужась эшъёсыз. Светлана Николаевна сярысь уно шуныт кылъёс веразы. Кужмо дышетӥсь луэм сяна, со туж умой адями, шуизы. Нош УдГУ-ысь Математикая, ивор технологиосъя но физикая институтлэсь директорзэ Николай Петровез кылзэм бере математикаез выльысь дышетэм потыны кутскиз.

— Француз профессор А. Пуанкаре ас вакытаз шуиз, улонын кык шумпотон: математикаез аслыд дышетыны но солы мукетъёссэ дышетыны, — вера Николай Никандрович. — Удмурт шаерын математикъёс котьку кужмоесь вал. 1832-тӥ арын Ижын вордӥськем Василий Имшеницкий быдэс Россилы тодмо математик луиз, Казаньын, Москваын, Санкт-Петербургын ужаз. Мон Светлана Николаевнаен быдэсак соглаш: математикатэк одӥг вамыш но лэсьтыны уг луы, уката ик туала технологиос улонэ пыӵамен валче. Математикаез валасьтэм адямиос мынэсьтым юазы ке, мар сярысь солэн книгаез, тазьы шуысал: пуктэ син азяды машинаез, отын кык рулез. Одӥгеныз машинаез ас сюрестӥз нуыны малпа йыртэмась, нош мукет рулез валтэ полицейской. Мар пӧрме? Валантэм югдур, конфликт, малы ке шуоно та адямиослэн ужпумъёссы пӧртэмесь. Мар кароно? Югдурысь потон амал утчано, компромисс. Математика ӵапак соин ик выре.

Галина Семёнова

Туспуктэм: unatlib.ru

 

Удмурт Дунне
By Удмурт Дунне 14 октября, 2016 16:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<