Ижын «Боярышник» лосьон вузан автоматъёс кылдӥзы

Удмурт Дунне
By Удмурт Дунне 27 октября, 2016 12:55

boyaryshnikКема ӧз чидалэ, полициын ужасьёс соосты ишкалтӥзы, та вакытэ соослэсь кузёоссэс утчало. Автоматъёс бордын гожтэмын вал: лосьон, спиртэз 75 процент.

Со ки миськыны, ку сузяны яра, пе, юон сярысь пал кыл но поттылэмын ӧвӧл. Валамон, юыны яратӥсьёс сое соку ик синйылтӥзы. Таӵе автоматэ 20 манет куштыса, бадӟымъёс гинэ ӧвӧл, нылпиос но «Боярышник» басьтыны быгато.

Бен, боярышниклэсь настойказэ аптекаосын вузаны лэземын, со чакламын сюлэм но сэр висёнъёсты алонлы. Аптекаосын сое сёто быдэ вуэмъёслы гинэ. Кызьы вераз Кун Кенешлэн депутатэз Владимир Варламов, таӵе автоматъёс, законэз тӥяса, пуктӥсько. Ар талэсь азьло ик Удмуртиысь депутатъёс Россиысь Кун Думае куронэн вазиськизы вал, спиртэн суретъёсты кудӟытӥсь юонъёс радэ пыртоно но соосты вузанэз кулэстоно шуыса. Жаляса верано, та дырозь парламент нокыӵе ужрадъёс ӧз куты.

Валентина Емельянова

 

 

Удмурт Дунне
By Удмурт Дунне 27 октября, 2016 12:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<