Эрик Батуев: Кулонлэн берлань кожонэз ӧвӧл ке но…

Удмурт Дунне
By Удмурт Дунне 10 октября, 2016 10:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
antonov

«Эриктэм Эрик» моноспектакльлэн авторез С. Антонов.

Эрик Батуевез буре вайыса, Ижысь «Балда» мини-театр «Удмурт Кенешлэн» куремезъя «Эриктэм Эрик» спектакль дасяз. Сое адњыны луиз 4-тӥ октябре К. Герд нимо гимназиын. Спектаклез пуктӥз но  Эриклэсь рользэ шудӥз Мунё театрысь артист Сергей Антонов.

Сцена шорысь ик сьӧд бӧлет шоры учкыса, нырысь мазэ-созэ уд валаськы на. Чузъяське чебер крезьгур. Но тани бӧлет усьтӥське, адямиос азе кыштыр потэ Кулон — синъёстэм, ымныртэм, музозь тӧдьы дӥсен. Соку валаськод ни: сьӧд бӧлет — корос. Со усьтӥськиз. Кулон сьӧры жадем тусын потӥз ачиз Эрик — гарамурес, гольык пыд…

Азьланяз быдэс спектакль Эриклэн Кулонэн вераськонэз, ваче вуэмез пыр радъяське. Кулон ноку номыр уг вазьы, поэтэз лушкем сапкыны гинэ выре, нош Эриклэн лулыз пӧзе, кесяське, ортчемзэ тодэ вайыса, я шумпотэ, я бӧрдэ. Быдэс спектакль пуктэмын Батуевлэн кылбуръёсыз вылын. Соос сокем юн герӟасько — одӥг сюжетэ пунӥсько.

Мон тон азьын

  Гольык Мугорын.

Тон эн утча дӥськутъёсме.

Мон тон азьын Гольык Сюлэмын.

Тон эн адӟы мугор  тусме…

Эрик Батуев сярысь спектакль мукет сямен кутскыны но уг ни быгаты вал кадь. Та кылъёсын ик луло дыръяз Эрик ассэ нырысьсэ ваньмызлы шара усьтӥз ук.

— Куд-огзэ Кулон пичи дырысеныз ик синйылтэ, ялан сьӧраз ветлэ, — шуэ сцена вылысь Эрик. — Яратэ соосты Кулон, ас бордаз юн ӝиптыса возе…

Сергей Антоновлэн малпамезъя, Эрик Батуев сыӵеос пӧлысь ик — ялан улон но кулон вискын ветлӥз: пушнерен шобырскем бырем гурт, косяк улын кыллись кулэм кутъёс, Чечняын бырем адямиос, кулонэз ӧтён блюз, улонысь кошкем муртлэн кезьыт пыдъёсыз… Сьӧраз ветлӥсь Кулонлэсь Эрик мозмытскыны выре, но уг быгаты. Йыркурын кеське: «Малы тонэ астэ виыны уг луы!» Пьесаез учкыса, Батуевлэн пушказ бугыръяськись ваче вуонъёсты усьтӥськод, огъя улон, адямилэн отын интыез сярысь малпаськыны кутскиськод.

batuev

«Удмуртия» ГТРК-лэн сюжетыстыз суред.

— Кулонлэн берлань кожонэз ӧвӧл, соин ик рос-прос улоно, кулонлэсь кышкатэк улоно, — моноспектакль йылпумъяськыку, шуэ Эрик.

Залысь калык огшап малпаськон дуннеяз улэ на, собере шуккисько кичабонъёс.

— Та спектакль лэсьтэмын «Удмурт Кенеш» огазеяськонэн ӵош, — шуэ Сергей Антонов. — Озьы мон та журналистлэн, поэтлэн дуннеяз выйи. Сценарий гожтыны нырысь секыт вал, нош собере ачиз Эрик мыным юрттӥз кадь, ваньмыз интыяз пуксиз. Спектакль бордын ми «Балда» театрен ӵош ужамы.

Моноспектакльын Эрик туж бугырес мылкыдо, ӟырдыт сюлэмо адямиен возьматэмын. Но улонын со сыӵе вал меда?

— Мон трос вераськи адямиосын, кылзӥ Батуевлэсь интервьюоссэ. Зэм, со туж востэм, лякыт вал. Чечняе ветлэмъёсыз сярысь но, пе, юалляськиськом, нош со одӥг-кык гинэ мар ке вералоз. Но пушказ солэн кыӵе ваньмыз бугыръяське вал, дыр! Вот со бугыръяськись лулпушсэ мынам возьматэме потӥз, — шуэ актёр.

Пусйыны кулэ, ачиз Сергей Антонов ужа Мунё театрын. Со сяна, «Балда» мини-театрен пичи серемес постановкаос дася. Нош таӵе моноспектакль борды Антонов нырысьсэ басьтӥськиз. Сценарийзэ нокинлы ӧз возьматъя, декорациоссэ ачиз люказ-дасяз. Кышканэз ӧй вал-а?

— Авторлэн, актёрлэн ужез сапёрлэн кадь. Ноку уд тодӥськы, яралоз-а калыклы, уз-а. Сценариез быдэс ачим гожтӥ, Батуевез возьматӥ озьы, кызьы ачим шӧдӥсько-адӟисько. Марлы специалистъёслы ӧй вазиськы? Кышкай, соос тупатъяны кутскозы шуыса. Соку уже мукет шӧмо луысал.  Мон шумпотӥсько — учкисьлы яраз. Но жалясько, туннэ премьераын мон вань мылкыдме, пӧсьме сётыны ӧй быгаты. Азьланяз юнгес тыршо. Малпасько, Эрик но мыным юрттоз…

     Елена Миннигараева

Туспуктэм: teatrkukoludm.ru

 

Удмурт Дунне
By Удмурт Дунне 10 октября, 2016 10:07 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<