Дунне иворъёс: Филиппины утча выль эшъёс, Россия тросгес сакыр поттоз

Удмурт Дунне
By Удмурт Дунне 14 октября, 2016 12:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

usiter.com

Дуннеын

Эшъяськонзы сӥя

Филиппинылэн президентэз Родриго Роа Дутерте ивортӥз, солэн кунэз утча выль эшъёсты, кылсярысь, тупалозы Россия но Китай.

Уно аръёс ӵоже США-ез но Филиппиныез огазеяз военной союз. Табере Филиппинылэн армиезлы Америкалэн юрттэтэз кулэ ӧвӧл ни, арлы быдэ кык кунъёсын радъяськылӥсь ожгар учениос но табере уз ни, пе, ортчылэ. Дутерте вераське США-лэсь странаяз интыяськем ожгар базазэ пытсан сярысь но. Америка понна та вамыш  — бадӟым ыштон, Китай понна — усто кузьым, Россия понна — Филиппиныен эшъяськыны луонлык.

Россиын

old.specagro.ru

Мултэс сакыр

Сахарной гордкушман туэ туж зол удалтӥз. Соин валче Россия, кылем арен ӵошатыса,  1 миллион тонналы тросгес сакыр поттоз.

Странаямы улӥсьёс понна тамында сакыр мултэс, ваньзэ сое сиыса уд быдты. Соин ик туэ нырысьсэ ческыт сиёнэз кунгож сьӧры вузаны луоз. Та сярысь вераз странаысьтымы гурт хозяйствоя но сиён-юон поттонъя «Русагро» компаниез кылдытӥсь Вадим Мошкович. Гурт хозяйство но сиён-юон поттон удысын импортозамещение йылпумъяське ини, табере вераськыны кутсконо сиён-юонмес кунгож сьӧры вузанъя политика кылдытон сярысь, шуиз  В. Мошкович.

092214,открытие дороги,улица Карла Маркса

Туспуктӥз А. Горбунов

Удмуртиын

Сюресъёсмы умоесь

Сюресъёслэн ӟечлыксыя Россиысь улосъёс пӧлын Удмуртия 3-тӥ интые потӥз.

Дунъясьёс учкизы, улосъёсын кӧня шуккиськон, адями бырон учыръёс пусъемын. Шаерамы сюресъёс вылын туэ 336 пазьгиськон вал, 30 мурт кулӥз, ог 400-эз вӧсь луиз. Озьы Удмуртия 0,91 балл люказ. Талэсь ӧжытгес баллъёссы луизы Тюмень но Томск улосъёслэн. Соин ик соос нырысетӥ но кыкетӥ интыосы потӥзы.

Тужгес кышкыт сюресъёссы лыдъямын Москва но Пермь улосъёсын, Татарстанын. Таослэн баллъёссы 3,15 котыр люкаськем.

Дунъясьёс пусйизы: сюресъёс вылын бырисьёслэн лыдзы уг кулэсмы. Кылем арын Россиысь улосъёсын котькуд толэзьлы быдэ сопал дуннее кошкиз 10,5 адями, 108-эз вӧсь луиз. Туэ но та лыдпусъёсты сутӥськомы ини.

Галина Семёнова

Удмурт Дунне
By Удмурт Дунне 14 октября, 2016 12:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<