Бусы уж быриз, сюлмаськон — ӧз

Удмурт Дунне
By Удмурт Дунне Октябрь 14, 2016 09:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
nik_4655-foto-karipov-eh

Гурт удысын ужасьёсты но ветеранъёсты сӥлы карон.

Удмуртиысь гурт удысын но сиён-юон лэсьтонын тыршисьёс асьсэлэсь нуналзэс нырысьсэ пусйизы 1966-тӥ арын 8-тӥ коньывуонэ. Табере со сямлы пӧрмиз ни.

50 ар талэсь азьло шаерамы кысконо скалъёс 143 сюрс лыдъяськизы. Туннэен  ӵошатоно ке, та 30 сюрс йырлы уногес. Но со дыре ик 236 сюрс тонна сяна йӧл ӧм кыске. Туала вакытэ гуртоос дышизы ни зоро но пӧсь куазез вормыны, шуг-секытъёс шоры учкытэк, урожай люканы.  Озьы лымшор палан тужгес трос ю тысь люказы можгаос — гектарысьтыз 25 центнер, уйпалан тужгес усто ужазы сюмсиос — гектарысьтыз 16,6 центнер ю-нянь калтӥзы.

Ӟеч ужасьёсты 12-тӥ коньывуонэ сӥё-дано ӟечкылазы Удмуртилэн Тӧроезлэн резиденцияз. Правительстволэн Тӧроез Виктор Савельев устооссэ гуртоосты пусйиз Удмуртилэн Данъян грамотаеныз. Уноезлы сётэмын вал гурт удысысь дано ужась ним. Огез соос пӧлысь — Алнаш ёросысь «Оркино» хозяйствоысь валтӥсь агроном Татьяна Ильина.

— Гуртысь кышномурт понна талэсь бадӟым дунъет ӧвӧл, — шуэ Татьяна Аркадьевна. — Сюлэмы али ке но уг оскы. Со сярысь малпаськыны но дыр сокем ик ӧз сюры на. Сӥзьыл вуиз ке но, агрономлэн ужез ӧз быры на. Вуоно арлы дасяськоно. Уката ик милям хозяйствомы элитной кидыс будэтонэн выре, Москваысь, Кировысь, Казаньысь институтъёсын ужано, кидысэз выльдон сярысь малпаськоно. Со дыре ик юрттоно асьмелэсь кидысмес басьтыны малпась хозяйствоослы. Уксёзы ӧвӧл ке, кидысмес фуражен воштон сярысь кенешиськом. Гуртын уж пумтэм. Но жадён ӝог ортче, шуныт кыл кылыку, хозяйствое субсидия вуыку.

Виктор Савельев верамъя, гуртоослы азьланяз но саклык висъямын луоз. Туэ но ватсаса 200 миллион манет сётӥськиз.

Сӥё-дано ужрад бере гуртоосты нуизы Воткинске. Татчы оглом люкаськиз гурт удысын тыршись 700 мурт. Концерт учкем сяна, П. Чайковскийлэн музей-усадьбаяз пыразы.

Елена Сараматова

Туспуктӥз Э. Карипов

Удмурт Дунне
By Удмурт Дунне Октябрь 14, 2016 09:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<