02 ивортэ: Коӵыш пушкын — 24 пуля но мурт уксёен корка

Удмурт Дунне
By Удмурт Дунне Октябрь 12, 2016 14:19

Кышкыт йыружъёс йылэмын ӧвӧл

Россиысь Удмуртиысь Следствиея комитет туэ 10 толэзь понна йылпумъянъёс лэсьтӥз.

Шаерамы 92 адями виён учыр пусъемын. 46 муртэ кулытозяз зол-зол жугемын. 39 адями сантэмамын. Лыдпусъёс, кылем арен ӵошатыса, будэмын ӧвӧл.

Вань та учыръёсъя ӝутэмын уголовной ужъёс. Йыружъёс пӧлысь 98 процентэз туннэ нуналлы сэрттэмын-пертчемын.

Корка пуктӥз мурт уксёен

Яр ёрос администрацилэн йырыз законэз тӥям — семьяез начар шуыса пӧяськыса постановление гожтэм. Бюджетысь 372 сюрс манетэз капыртэм.

Семьяез пумысен документъёс эскеремын вал жилищной комиссиын. Администрацилэн йырыз ачиз та комиссиен кивалтӥз бере, пӧечи бумагаосты нокин эскерись ӧз луы. Та документъёсъя кузё социальной выплатаос басьяз. Сое корказэ пуктонлы быдтылӥз. Пусъёно: коркаез сяна, солэн вань на 2 комнатаен квартираез.

Суд кышномуртэ 2 арлы условно пытсэт сьӧры келяз. Но амнистияя сое эрике лэзизы.

Коӵыш пушкын — 24 пуля

Глазовын кулӥз Тори коӵыш. Пудо першалъёс солэн мугорысьтыз 24 пуля поттӥзы.

Та учыр сярысь тодыса, элькунысь Прокуратура уголовной уж ӝутӥз. 26-тӥ сентябре городысь волонтёръёс Ториез ветбольницае вуттӥзы. Но писэйлы юрттыны ӧз луы ини.

Туннэ тодмо ӧвӧл на, кин пневматикая пистолетэн сомында пол Ториез ыбылэм. Пӧйшурез быдтыны киыз пырем бере, кышкытлык вань, адямиез но сӧсыртоз шуыса. Соин ик эскерон уж мынэ.

Ольга Корепанова

Удмурт Дунне
By Удмурт Дунне Октябрь 12, 2016 14:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<