Юбилейлы кузьым — Удмурт центр

Удмурт Дунне
By Удмурт Дунне 8 сентября, 2016 11:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртилэн Тӧроез Александр Соловьев пумиськылӥз «Удмурт Кенеш» огазеяськонлэн азьветлӥсьёсыныз. Тӧро  тау кариз огазеяськонлэн но огъя шаермылэн улоназ мыло-кыдо пыриськисьёслы. Тӥ юрттӥськоды калыктылэсь асваланзэ ӝутыны, лулчеберетэз азинтыны, ӟеч сямъёсты утьыны, шуиз со.

3-5-1

Удмуртилэн Тӧроеныз А. Соловьевен пумиськон дыръя эскеремын лэчыт ужпумъёс.

Таӵе пумиськонъёс ӵем уг луо бере, «кенешчиос» Тӧроез сюлэмшугъяськытӥсь юанъёсынызы согизы. Огласянь, соос кемалась тодмо, огпол гинэ шара ӧз чузъяськылэ ни, но ужпум интыысьтыз уг вырӟы. Нырысь ик, анай кылмес утёнъя ватсаса ужрадъёс кутытэк, калыкмылэсь югдурзэ уд вошты, лыдъяло «Удмурт Кенеше» пырисьёс. Соин валче кӧня ке ар талэсь азьло ик Кун Кенеш азе потэмын вал кун кылъёс сярысь законэ воштонъёс пыртон пумысен (удмурт кылэз элькунысьтымы вань школаосы пыӵатон сярысь) куронэн, но со проектэз депутатъёс палэнтӥзы. Отын вераськон уг мыны, удмурт кылэз ваньмызлы одно дышетоно шуыса. Соку кыӵе муген со ӝега, ку  воштонъёс (поправкаос) кутэмын луозы? Александр Васильевич шуиз, сыӵе кичӧлтонлы мон уг люкеты, но асьтэос но шаплыгес кариське, депутатъёсын ужалэ.

kenesh

Феврале ортчем Быдӟым кенеш дыръя ай ужпум ӝутскиз удмурт кылэз муромытыса дышетонъя школаос (гимназиос) пумысен: быдэс шаерлы одӥг школа — со туж ичи!

 

Феврале ортчем Быдӟым кенеш дыръя ай ужпум ӝутскиз удмурт кылэз муромытыса дышетонъя школаос (гимназиос) пумысен: быдэс шаерлы одӥг школа — со туж ичи! Уг луы шат нимаз  удмурт школа усьтыны лымшор но уйпал  нылпиос понна? Со понна  мултэс шугъяськонэз но, коньдон быдтонэз но ӧвӧл — вань туж ӟеч инъетъёс Можга педколледжын но Глазов пединститут бордын. Нялтас вераса, «Удмурт Кенешлэн» май толэзе  Можгалан ортчем кенешаз дышетонъя но наукая министрлэн воштӥсез Виктор  Чучков сӥзиз вал та югдурез матысь дыре сэрттыны-пертчыны, но, кызьы тодмо луиз али,  элькун Тӧролы со сярысь ивортэмын но ӧвӧл. Но А. Соловьевен пумиськон бере та ёросъёсысь  азьветлӥсьёслэн осконзы кылдӥз, соослэн но нылпиоссы удмурт кылэз школаын рос-прос дышетыны быгатозы шуыса.

Тӧролы озьы ик тодаз вайытӥзы азьло куронзэс — кӧня ке ар талэсь азьло ини «Удмурт Кенеш» вазиськиз вал,  Правительство бордын  Удмурт кылэз утёнъя комиссия кылдытыны курыса. Но со кыӵе ке мугъёсъя вунӥз.

— Кылэн герӟаськем ужпумъёсты син азьын ялан возьытэк, югдур уз воштӥськы, — лыдъя Татьяна Ишматова. — Со сяна, ӝегатскытэк  кутсконо  выль удмурт кадръёс дурыны. Уг луы шуыны, асьме выжыысь потэмъёс лябесьгес, но малы ке но бадӟым интыосы соос уг шедё, соин ик ассоциация ӵектэ Правительство бордын ужась кадръёсъя комиссие но «Удмурт Кенешлэсь» адямиоссэ пыртыны — мед быгатозы соос должносте кандидат пумысен асьсэлэсь малпанзэс вераны.

kenesh2

Шоркарысь удмуртъёс озьы ик трос аръёс ӵоже ини куро Удмурт культурая центр усьтыны.

Шоркарысь удмуртъёс озьы ик трос аръёс ӵоже ини куро Удмурт культурая центр усьтыны, малы ке но та дырозь солы быдэс городын инты ӧз шедьылы. Но ӵап али тупатъян ужъёс мыно азьвыл Короленко нимо театрын. Отын ужалозы удмурт ансамбльёс, инты сюроз   нимысьтыз центрлы но, шуиз А. Соловьев. Чакламъя отын ортчылозы  тунсыко пумиськонъёс, радъяськылозы адӟытонъёс, татын ик усьтӥськыны кулэ удмурт кафе.

Ваньмыз пӧрмысал ке, «Удмурт Кенешлэн» 25 аръем юбилеезлы кивалтӥсьёс ласянь та туж ӟеч кузьым луысал, лыдъяло удмурт азьветлӥсьёс.

Зинаида Рябинина

Туспуктэмъёс: udmurt.ru

Удмурт Дунне
By Удмурт Дунне 8 сентября, 2016 11:53 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<