Визьмес сынаса «Шудком»

Удмурт Дунне
By Удмурт Дунне 29 сентября, 2016 08:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

shudkom«Удмурт дунне» газетлэн редакциез пыриське визез сынанъя «Шудком» шудонэ. Таяз радэ со 3-тӥзэ ортче.

Пӧртэм удысысь юанъёслы валэктонъёс утча 9 команда, котькудаз — 6 визь погъёс. Шудон тросэзлы сюлэмзыя луиз, уго куриськонъёс шудонысь шудонэ тросгес но тросгес вуо. Тужгес но чупресъёсыз — «Удмурт дунне» газетлэн, удмурт азьветлӥсьёслэн «Валамон-паримон», «Удмуртия» ГТРК-ысь журналистъёслэн «Кыло-ымо», Историяя, кылъя но литературая Удмурт институтысь тодосчиослэн «Кынкорт» командаоссы. Таос ик куспазы нырысетӥ интыосты люкыло.

Таос сьӧры кыстӥсько егитъёслэн но командаоссы — «Шунды» правленилэн «Дырыз дыръя», студентъёслэн «Ю тысь» командаоссы но мукет.

«Шудком» лэсьтэмын ӟуч, «Что? Где? Когда?» но «60 секунд» шудонъёслэсь адӟем карыса. Со шудонъёс ӟучъёс куспын зол вӧлмемын — визьзэс сынаса шутэтскыны арнялы быдэ люкаське Ижысь калык но. Нациосын ужан политикая министерстволы луыса тазьы шутэтскыны табере быгато удмуртъёс но.

Юанъёс пӧртэм удысъёсысь луо, трос тодоно оглом дунне сярысь но. Но, кызьы пусйизы кылем 2 шудонъёсы пыриськем командаос, уг чузъясько шаертодонэн, удмурт литератураен я культураен герӟаськем юанъёс. Кызьы оскытӥзы радъясьёс, таяз радэ та курон лыдэ басьтэмын луоз.

«Удмурт дунне»

Удмурт Дунне
By Удмурт Дунне 29 сентября, 2016 08:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<