Ужало, иське, юрттоно

Удмурт Дунне
By Удмурт Дунне 1 сентября, 2016 10:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
b8df80d4c607a51cf5f2bb1ed19bc099

Вуж тӥрлыкез вылезлы воштыны кулэ.

Балезино ёросысь «Жешартский ЛПК» огазеяськон пулэсь фанераос, плитаос лэсьтэ.

Туэ ӝыны ар ӵоже 194 миллион манет тыр вуз поттӥз. Кылем арен ӵошатыса, та 30 процентлы уногес. Вуззылэн ӟечлыкезлы синмаськисьёс трос уго. Вань лэсьтэм арбериоссы пӧлысь 95 процентэз  кунгож сьӧры кошке. Озьы балезиноосын 18 кун эшъяське. Отӥяз эшшо но золгес азинтӥськыны быгатонзылы осконъёс бадӟымесь. Удмуртилэн Тӧроез Александр Соловьев заводэтӥ котырскиз, шуиз: производствоез уката но паськытатыны луоно, вуж тӥрлыкез вылезлы воштыны кулэ.

Огазеяськонын шоро-куспо уждун 17 сюрс манет. Уноез татын ужасьёс Лесобаза микрорайонын улӥсьёс. Тулыс тудву дыръя ӵапак соос ик ву улэ кылизы. Куд-огез туннэ ке но улон интызэ тыро-пыдо умоятыны уг быгаты. Соин ик Александр Соловьев ёросысь кивалтӥсьёслы вазиськиз, микрорайонын улон-вылонэз ӝоггес радъяны косыса. Со сяна, каргуртысь но артысь гуртъёсысь котькуд коркаозь ву умой уг вуы. Гумыосты тупатъяно, скважинаосты лэсьтоно. Специалистъёс чаклало ву кыскыны Куашнягурт палтӥ бызись шурысь. Чупчи шурлэсь ӧрзэ но чылкытатоно.

Сергей Захаров

Туспуктэм: udmurt.ru

Удмурт Дунне
By Удмурт Дунне 1 сентября, 2016 10:40 Updated