Удмурт егит авторъёс пырисько «Лыдӟиськы, Ижкар!» фестивале

Related Articles

• Михаил Хомич — «Россиысь азьветлӥсьёс» вожвылъяськонын вормемъёс пӧлын 0 14.Фев
• Дуннеысь чеберайёс люкаськозы Дэрие 0 30.Мар
• Сюмси ёросын нылкышно движениез азинтэ Раиса Волкова 0 13.Май

Егит гожъяськисьёслэн чуръёссы чузъяськозы «Лыдӟиськы, Ижкар!» фестиваль дыръя. 10-тӥ куарусёнэ 13 часын Ижысь Шор площаде ӧтиськом «Ингож» пумиськонэ.

Ужрадын чузъяськозы кызьы тодмо луэм авторъёслэн — Б. Анфиногеновлэн, Дарали Лелилэн, А. Шумиловалэн — чуръёссы, озьы ик али гинэ литература сюрес вылэ султэмъёслэн произведениоссы. Бадӟым саклык висъяськоз прозалы: мыньпоттозы Шаркан ёросысь Ю. Туровалэн улонысьтыз зарисовкаосыз, инбам сьӧры вуттозы Пичи Пурга ёросысь Н. Кирилловалэн романтической веросъёсыз. Со сяна, татын лыдӟемын луоз Эгра ёросысь Д. Лекомцевалэн «Вакчиям улон, яке Макем усто пинал луыны» пьесаез.

Вань та егитъёслэн ужъёссы пыремын «Ингож» альманахе. Тодады вайытом, со «Ингож» семинарлэн огез емышез луэ. Семинарез радъяз «Удмурт дунне» газет Йӧскалык политикая министерстволэн но егитъёслэн «Шунды» огазеяськонзылэн юрттэмзыя.

«Ингож» бичетъя туала литературалэсь аспӧртэмлыкъёссэ синйылтыны луэ, уго туала егитъёслэн гожъямъёссы трослы висъясько этнофутуризм шӧмо произведениослэсь. Маинызы? Со сярысь вералоз кылосбур наукаосъя кандидат В. Шибанов.

«Удмурт дунне»