Татьяна Ишматова: Асэныд тодматскон

Удмурт Дунне
By Удмурт Дунне 8 сентября, 2016 16:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
061086,Ишматова Татьяна,заместитель министра национальной политики

Татьяна Ишматова, «Удмурт Кенеш» огазеяськонлэн тӧроез.

Котькуд адямилэн улоназ валтӥсь инты басьтэ семья. Кыӵе мылкыдъёс пыӵатозы пиналлы пичы дыръяз, сыӵе ик луоз солэн азьпал сюресэз.

Удмурт кыл, удмурт кырӟанъёс но сям-йылолъёс пӧлын будэм пиналлэн йыраз ноку уз лыкты юан, малы кылэз но культураез утьыны кулэ шуыса. Со будыса аслаз семьяяз но тае ваньзэ пыӵатоз. Сыӵе пинал кык поллы узыргес луэ, одӥг культураез но кылэз тодӥсь нылпи сярысь. Дунне шоры учконэз но солэн паськытгес. Соин ик тау кареме потэ пиналъёссэс удмурт будэтӥсь семьяослы!

Огез секытэз ӧр — семьяосын но нылпиосын ужан. Куддыръя пайдаез, оло, соку ик уг адӟиськы. Но емышез котьку луэ! Тае ас вылаз шӧдӥз ни «Удмурт Кенеш» огазеяськон.  2013-тӥ арысен 2015-тӥ арозь кык пӧртэм проектъёсъя Вавож но Грак ёросъёсын семьяослы юрттэт сётон бордын ужамы. Проектъёсты дасяз филология наукаосъя кандидат Г. Шушакова. Юрттӥзы солы «Удмурт Кенешысь» А. Чиркова но Е. Александрова. Бадӟым саклык висъямын вал шуге-леке вуэм семьяослы. Таослы визь-кенешен юрттӥзы юристъёс, психологъёс, врачъёс. Вавож ёрос — экономика ласянь пыд йылаз юн сылӥсь ёрос ке, Грак ёросын югдур начаргес. Та шӧдӥське семьяослэн тазалыксы но улон-вылонзы вылын. Озьы Грак ёросысь тужгес ёрмыса улӥсь семьяосысь 25 пинал, проект юрттэмен, санаторийын тазалыксэ юнматӥз. Соосын психологъёс ужазы. Дышетскыны ик мылкыдзы ӝутӥськиз шуыса, верало школаосазы. Озьыен, юнме ӧм ужалэ! Соин ик ёросъёсы потаса ужанмес одно азьланьтом.

«Удмурт Кенешлэн» бурд улаз ужась «Удмурт нылкышно кенеш» нылпиослы пӧртэм ужрадъёс, семьяосын ужанъя клубъёс кылдытъя. Со дыре ик удмуртлык  котыре но семьяосты кыске.

Семьяосты шудогес карон ласянь бадӟым уж нуэ «Шунды» огазеяськон. Шуге-леке вуэм нылпиослы «Тулкым» смена ортчытъя. Кӧня ке дыр ӵоже нылпиос татын воштӥсько, небытэсьгес луо, асэнызы ик выль сямен тодматско кадь. Татын уго соос шӧдо шунытэз, яратэмез, кулэ луэмзэс. Доразы но выль мылкыдын берто, семьязэс дунъяны кутско. Одӥг пияшлэн кылъёсыз уг вуно. Шуиз: олокыӵе но лагерьёсы вуылэме вань, но «Тулкымын» гинэ удмурт кылын вераськыны луэ.

Туспуктӥз А. Горбунов

Удмурт Дунне
By Удмурт Дунне 8 сентября, 2016 16:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<