Скал кыскоз… компьютер

Удмурт Дунне
By Удмурт Дунне 9 сентября, 2016 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Кивалтћсьёс эскеризы Ува ёросысь Поршур-Тукля гуртысь выль гидэз.

Кивалтӥсьёс эскеризы Ува ёросысь Поршур-Тукля гуртысь выль гидэз.

Ува ёросысь Поршур-Тукля гуртысь 400 йырлы чакласа пуктӥськись гидын Израильысь технологиос пыӵатэмын луозы.

Сое учкыны вуылћз Удмуртилэн Тќроез Александр Соловьев. Гуртысь «Рико-Арго» огазеяськон али выре ӟеч выжыысь пудо вордонъя хозяйство кариськыны. Вань документъёссэс келязы ни. Таин сэрен но татын берло дыре ялан выльдӥсько. Вань вуж фермаос туала куронъёслы тупамон каремын ни. 400 йырлы чакламез воксё но ог 48 миллион манет тыр усиз. Со 3 парсь гид интые лэсьтэмын. Скалъёсты татын думылытэк возёзы. Кыскозы компьютерен. Таӵе амалэн ужан хозяйствоын туж кулэ ни вал. Валтӥсь зоотехник Марина Кунгурова верамъя, пудо пастукан возьёссы туж кыдёкын. Та бадӟымесь шуг-секытъёс кылдытъяз йӧл кыскон ласянь но. Табере скалъёсты одӥг интыын думылытэк возьыны луоз. Гид котыре загон лэсьтэмын, но отчы возьмаськись кулэ ӧвӧл — сое воштоз электропастук, шуэ М. Кунгурова. Езъёс кыскемын ни. Доярка но та фермаын  2 сяна кулэ уз луы. Молокопровод ужзэс трослы капчиятоз, йӧллэсь асдунзэ уськытоз.

Али хозяйствоын 1 сюрс 700 сюро таза пудозы. Со пӧлысь кысконо скалзы 636 йыр. Шорлыдын котькуд скаллэсь миым 3 сюрс 241 килограмм йӧл басьтӥзы. Туннэ лыдпусъёс будо. Азьланяз эшшо но ӝутӥськозы. Угось октябрь кутсконын татын возьмало Израильысь специалистъёсты. Гидэ тани-тани юнматозы отысь ваем оборудование. Компьютер ачиз возьматоз: ку берлозэ кыскемын скал, тыремын-а кӧтыз, кытӥыз висе но мукетсэ. Вань та ивор соку ик вуоз пудо эмъясь доры. Со сяна, скал кыскозы крезьгур шудэм улсын — со, пе, сюроез буйгатэ, тросгес йӧл басьтыны юрттэ. Ӵапак ваньмызлы талы дышетозы кунгож сьӧрысь куноос.

Со сяна, хозяйствоен кивалтӥсь Ринат Латыпов азьланяз чакла эшшо но выль амалъёсты кутыны. Кылсярысь, гид котыре люкаськем кыедысь газ поттыны но соин гидэз шунтыны. Удмуртилэн Тӧроез Александр Соловьев таӵе дӥсьтонъёссы пумысен шумпотэмзэ вераз. Азьланяз но тазьы ик тыршизы ке, йӧл кысконъя Ува район азьпал радъёсын луоз. Али 4-тӥ интыын возиське.

Зэм, туннэ поршур-тукляослэн мукет сюлмаськонзы но вань.  Пудо сиён тырмыт дасяны ӧз быгатэ. Марина Кунгурова верамъя, силос, турын но куро толэз потымон вань ке, фураж, выль урожай басьтытозь, уз окмы. Озьы ог 3 толэзьзэ пудоез маин ке сюдон сярысь сюлмаськоно луозы.

Елена Сараматова

Туспуктэм: udmurt.ru

 

Удмурт Дунне
By Удмурт Дунне 9 сентября, 2016 10:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<