«Шунды» огазеяськонэн кивалтоз Алина Чернова

Удмурт Дунне
By Удмурт Дунне 15 сентября, 2016 15:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
chernova

Тӧролэн интыяз пуксиз Пичи Пурга ёросысь Улӥ Пӧсьтол гуртысь Алина Чернова.

Удмурт егитъёслэн «Шунды» огазеяськонзылэн конференциез ортчиз. Егитъёс выль кивалтӥсь но правление бырйизы.

Конфренцие вуизы «Шунды» огазеяськонлэн 19 ёросъёсысьтыз, Башкириысь, Татарстанысь ёзъёсысьтыз 80-лэсь уно егитъёс. Берло 2 ар ӵоже ужамзылы йылпумъянъёс лэсьтэм сяна, соос трос тодон-валан басьтӥзы секциосын.

Глазовысь делегация пыриськиз проектъёсты дасянъя секцие — соослэн потэ лэсьтэмзы удмурт кылъя лагерь. Инты но вань — дышетӥсьёсты дасянъя институт.

Удмурт нылпиос понна «Шундысиос» движениысь азьветлӥсьёс нимысьтыз люкаськизы. Малпанъёссы трос, но соосты улонэ пыӵатон понна кулэ грантъёсты утчаны. Проектъёсты гожъяны дышетскон понна табере «шундысиос» люкаськылозы арлы быдэ.

Конференциысь конференцие сюлмез висьытэ одӥг ужпум: нылпиос ӟучомо. Та сярысь вераськизы нимаз секциын. Югдурез чутрак воштон понна, кулэ удмурт кыллэсь, культуралэсь данзэ ӝутыны. Кызьы пусйиз «Удмурт Кенеш» огазеяськонлэн тӧроез Т. Ишматова, егитъёслэн «Шунды» огазеяськонзы та бордын мылысь-кыдысь ужа, пӧртэм ужрадъёс ортчытъя. Та ужлэсь емышъёссэ адӟиськом ни: городын удмурт кыл берло дыре райцентръёсынлэсь но ӵемгес чузъяськыны кутскиз.

Конференция пумын егитъёс асьсэлы выль кивалтӥсь но правление бырйизы. Тӧролэн интыяз пуксиз Пичи Пурга ёросысь Улӥ Пӧсьтол гуртысь Алина Чернова. Нылаш берло 2 арзэ правлениын тырше, со сяна, Г. Красильников нимо музейын пӧртэм удмурт ужрадъёс радъялляз. Правление но выльдэмын вал. Отчы пыризы асьсэзыс котыр ласянь возьматэм егитъёс, соос пӧлын, кылсярысь, Алнаш ёросысь Анастасия Алашеева, Дэбес палъёсысь Мария Емельянова, Кизнер ёросысь Виталий Белков, Эгра ёросысь Максим Агафонов но мукетъёсыз.

Мария Векшина

Туспуктӥз Л. Рябина

Удмурт Дунне
By Удмурт Дунне 15 сентября, 2016 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<