Сарапулын ортчиз «Таза луыны усто» 11-тӥез форум

Удмурт Дунне
By Удмурт Дунне Сентябрь 6, 2016 11:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
госсовет

Сюлэм, йыр висёнъёсын курадӟисьёс тодазы возьыны кулэ: нунал куспын 5 пӧртэм емыш, 5 грамм сылал сиёно.

Сюлэм яратэ «5» лыдпусэз

Отчы вуылӥз 2 сюрс пала адями.

Форум городын 2-тӥзэ радъяськиз. Нырысетӥез ужрад калыклы сыӵе кельшем — эмъясьёсты доразы нош ӧтиллям.

«Романтика», «Радуга», «Ника» нылпи студиослэн кырӟамзы-эктэмзы улсын форуме пыриськисьёс эскериськизы эндокринолог, кардиолог, стоматолог, окулист  дорын. Тазалыкез утёнъя, демографияя но семья политикая ялан ужась комиссилэн кивалтӥсез Светлана Кривилёва люкаськемъёсты тодматӥз таза улонэн, нылпиосын герӟаськем куд-ог законъёсын, отчы пыртыны чаклам воштонъёсын. Нуныосмы вордӥсько уно — Приволжск федерал округын 3-тӥ интыын мынӥськомы. Йыло трос нылпиё семьяосмы.

— Семьялэсь улон-вылонзэ капчиятон вылысь Россиысь Правительстволэн кивалтӥсезлы Дмитрий Медведевлы вазиськонэн потӥмы, — валэктӥз Светлана Петровна. — Анай капиталэз кутыны мед луоз вылэм на чагыр эстӥськон кысконлы, инвалид нылпилы эмъюм, тӥрлык басьтонлы. Ёрмыса улӥсь семьяосысь очно амалэн дышетскись студентъёслы транспортэн мынон-ветлон дунэз школае ветлӥсьёслэн кадь кароно. 1 миллион манет гуртэ мынӥсь егит эмъясьёслы гинэ сётоно ӧвӧл, моногородъёсын — кылсярысь, Сарапулын, Воткаын — ужаны мылкыд карисьёслы но  висъяно.

госс

Макем трос ёзвиосмес кыдатомы, сокем тазаесь луомы.

С. Кривилёваез кылзэмез бере калык мугорзэ куасалляз Владимир Кононов паралимпиецен ӵош. Тазалыкез утёнъя министрлэн воштӥсез Людмила Гузнищева калыкез визьнодаз: тазалыкмы кыӵе луоз — 50 процентлы потэ улэм-вылэммы бордысь. Макем трос ёзвиосмес кыдатомы, сокем тазаесь луомы. Элькунысь профилактикая центрлэн кивалтӥсез Гульнар Сагдеева яратыны куриз… «5» лыдпусэз. Сюлэм, йыр висёнъёсын курадӟисьёс тодазы возьыны кулэ: нунал куспын 5 пӧртэм емыш, 5 грамм сылал сиёно. Вирын 5 ммольлэсь трос холестеринэз но сакырез луыны кулэ ӧвӧл.

Ольга Корепанова

Туспуктэм: udmgossovet.ru

Удмурт Дунне
By Удмурт Дунне Сентябрь 6, 2016 11:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<