Россиын нырысьсэ гожтозы этнографияя диктант

Удмурт Дунне
By Удмурт Дунне 29 сентября, 2016 09:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
061649,конкурс красоты,чеберина,чеберай,национальность,костюм,удмурты,традиция,обычай

Ӝыныез юанъёс улосмыя.

4-тӥ октябре быдэс Россиын нырысьсэ гожтозы этнографияя бадӟым диктант. Акция сярысь малпан вордӥськиз Удмурт шаерын.

«Бадӟым этнографической диктант» акциын аслэсьтыз тодон-валанзэ эскерыны быгатоз котькуд мылкыд карись. Ваньмызлы сётэмын луоз 30 юан. Ӝыныез юанъёс Россиен герӟаськемын, ӝыныез — шаеренымы. Вань юанъёслы шонер валэктэм адями троссэ 100 балл люканы быгатоз.

Акция ортчоз Удмуртиысь 62 интыын, со пӧлысь 9-эз — Ижкарын. Со сяна, Алнашысь, Кезысь, Пичи Пургалась, Вавожысь библиотекаосын, со сяна Глазов ёросысь Адам, Можга ёросысь Бадӟым Сибы но Пазял гуртъёсын. Асьтэлы тупась площадкаез шедьтыны луоз Интернетысь таӵе адресъя: www.miretno.ru. Со понна нимысьтыз регистрация кулэ ӧвӧл.

Валтӥсез площадка ужалоз Ижысь Эшъяськон юртын. Татын 11 часысен диктант гожтозы республикаысьтымы но шоркарысь кивалтӥсьёс.

Кыӵе ке муген диктант гожтон интыосы вуэмды уг луы ке, эн ӝожоме: онлайн-тестирование луоз Бадӟым этнографической диктантлэн сайтаз но. Адресэз — www.miretno.ru. Онлайн-тестирование кутскоз асьме дырын 14 часын.

Акция сярысь пыр-почгес тодэмды луоз та сайтысь ик яке «ВКонтакте» группа пыр.

Нациосын ужан политикая министрлэн воштӥсез Павел Орлов шумпотэмзэ уг ваты: Россиын сыӵе бадӟым акция ортчытонлы кичӧлтон вордӥськиз пичи Удмурт шаерамы, Удмуртиысь калыкъёслэн ассамблеяязы. Шумпотӥськом: быдэс Россиын таӵе акцилэсь кулэзэ валазы, солы бадӟым саклык висъяло.

Асьмелэн Россимы туж бадӟым но пӧртэм выжы калыкъёсын, культураосын аспӧртэм. Макем ӟеч тодӥськом меда ог-огмес?

Елена Васильева

Удмурт Дунне
By Удмурт Дунне 29 сентября, 2016 09:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<