Ми юнме ум тыршиське

Удмурт Дунне
By Удмурт Дунне 30 сентября, 2016 11:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртилэн Тӧроез Александр Соловьев сӥлы кариз элькунысьтымы тужгес усто визьнодасьёсты.

uchit_4756-foto-karipov-eh

Дышетӥсьёсты сӥлы карон.

113 дышетӥсьёс, воспитательёс, нылпиослы ватсаса тодон-валан сётӥсьёс люкаськизы резиденцие.  Со пӧлысь 13-ез — «Дышетон» нацпроектэн ялэм конкурсын вормисе потэмъёс, Россилэн бюджетысьтыз быдэн 200 сюрс манет кузьым басьтӥзы. Кылемъёсыз шумпоттэмын быдэн 50 сюрс манетэн — элькун бюджетысь.

Визьнодасьёсты удыс праздниксы азьын тазьы сӥлы карыны кутскизы ни 2006-тӥ арысен. Та дыр куспын куд-огез кык пол но, куинь пол но вормисьёс пӧлы шедьылӥз. Пӧлазы вань газетмылэн матысь эшъёсыз но, кылсярысь, Пичи Пурга ёросысь Вуж Мӧнья школаысь Мария Никитина, Глазов ёросысь Дондыкар школаысь Раиса Резенова, Вавож ёросысь Гурезь-Пудга школаысь Светлана Щёткина но мукетъёсыз.

— Котькудӥзлэн визьнодасьлэн вормонъёс дорозь аслаз сюресэз, — вераз Александр Соловьев. — Но, малпасько, вань соослэн одӥг кадез но: нылпиос, анай-атайёс азе гинэ куронъёс уг пукто, нырысь ик — асьсэ азе. Ваньзы — творчествоез, ужзэс гажась адямиос.

Кизнер черкогурт школаысь Нина Крючкова дышетон удысын 32-тӥ арзэ ни. Директорлэн воштӥсез удмурт но ӟуч кылъёсъя урокъёс нуэ. Одӥг пол вормылӥз ни вал элькунысьтымы дышетӥсьёс пӧлын. Нош табере сюриз уката но кужмоосыз 13 дышетӥсьёс пӧлы — солэсь быгатэмзэ адӟытэк ӧз кельтэ Россиын! Угось дышетэм пиналъёсыз мыло-кыдо пырисько но вормонъёс басьто Россиын ортчылӥсь конкурсъёсын, ӟеч тодон-валанъёссэс возьмато олимпиадаосын. Туж кемалась ни со нылпиосты тодматэ исследовательской ужен — соку дышетӥсьёс азе таӵе курон но уг пукто вал ай. Табере со выль амалъёсъя ужаны дышетэ ни мукетъёссэ но.

— Таӵе сӥлы каремзы бере эшшо одӥг пол валасько: мон интыям, мынам тыршеме юнме ӧвӧл, — вераз Нина Якимовна.

Таӵе дышетӥсьёслы луыса ик элькунысьтымы дышетон удыс одӥгез умоез лыдъяське. Шаерысьтымы 6 школа шедемын Россиысь тужгес усто 500 школаос пӧлы, со — Ижысь 29, 41, 86, номеро лицейёс, 30-тӥ школа-лицей но 74-тӥ но 89-тӥ школаос.

Дышетӥсьлэн ужез ноку капчи ӧй вал. Пӧртэм югдур ӧвӧл али но — пыӵало выль программаос, кылдо выль куронъёс. Валтӥсез ужпум — будэтоно зэмос кивоштӥсьёсты, соос дась мед луозы Атыкай музъеммы понна тыршыны.

Элина Кумачёва

Туспуктӥз Э. Карипов

Удмурт Дунне
By Удмурт Дунне 30 сентября, 2016 11:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<