«Лыдӟиськы, Ижкар!»: Литература яратэ шыпытэз

Удмурт Дунне
By Удмурт Дунне Сентябрь 16, 2016 11:09
dsc_0318

Пичи Пурга ёросысь Н. Кириллова 10-тӥ классын гинэ дышетске ай ке но, кылбуръёсыз газетъёсын печатласько ини.

Кезьыт но зоро куазь шоры учкытэк, 3 нунал ӵоже «Лыдӟиськы, Ижкар!» фестиваль Шор площаде люказ 12 сюрслэсь ятыр адямиосты. Бадӟым шатёрын котьмае адӟыны кемдӥз.

Одӥг палаз чурен интыяськемын книгапоттонниос. 4 ар ӵоже ужрад Россиын тодмо луиз ни. Кызьы верало радъясьёс, туэ татчы асьсэ книгаосынызы шумпотыса вуизы Москваысь, Санкт-Петербургысь книга поттӥсьёс. Кылсярысь, Михаил Сапего.

Шатёрлэн мукет сэргаз — Кинозона, «шыпыт» инты, татын вань мылкыд карисьёс кылбуръёссэс лыдӟо, пӧртэм темаосты ӝуто. Али верасько комиксъёс сярысь.

— Комиксъёс кылдӥзы Америкаын, нырысь-валысь нылпиос понна, соос лыдӟиськон борды мед кыстӥськозы шуыса.

— Но комиксъёсты, озьыен, капчи текстэз лыдӟем нылпи, бадӟым будыса, уз ни кутскы зэмос книга борды.

— Соин уга комиксъёс бадӟымъёс пӧлы вӧлмизы.

Со вакытэ валтӥсь сцена дорысен кылӥськиз:

— Али кутскоз удмурт егит гожъяськисьёслэн «Ингож» пумиськонзы!

 

Комиксъёс сярысь вераськон тунсыко вал ке но, егит удмурт литератураен ик тодматскыны мылкыды вормиз.

Кылосбур наукаосъя кандидат В. Шибанов шуиз: куд-ог удмурт книгаосъя умой луысал кино лэсьтыны.

Кылосбур наукаосъя кандидат В. Шибанов шуиз: куд-ог удмурт книгаосъя умой луысал кино лэсьтыны.

Туэ Кинолэн арез — фестивальын но со котькытын шӧдӥськиз, «Ингож» пумиськонын но. Кылосбур наукаосъя кандидат                  В. Шибанов шуиз: куд-ог удмурт книгаосъя умой луысал кино лэсьтыны. Кылсярысь, Удмурт  театрысь артистка А. Колесникова сярысь  Е. Загребинлэн «Мусое тон мынам, вожанэ…» очеркезъя умой мелодрама пӧрмысал,  О. Четкарёвлэн «Пиртэш толэзь» романэзъя — фантастика, М. Петровлэн «Мултан уж» романэзъя — исторической кино. Егит авторъёс сярысь верано ке, тодосчи пусйиз, егитъёс уло городын, соин ик егитъёслэн литературазы но каре выжемын.

Бен, озьы шуыны луоз   Б. Анфиногенов, Л. Юртаева кылбурчиослэн творчествозы сярысь. Туала карлэн улонэз возьматэмын  Д. Лекомцевалэн «Вакчиям улон, яке Макем усто пинал луыны» пьесаяз. Но А. Бурдина, Е. Корепанова, М. Михайлов, М. Пахомова кылбурчиослэн чуръёсазы гурт омыр шӧдӥське. Ю. Туровалэсь «Трактористка» зарисовказэ кыл-зӥськеме бере валай: егитъёс городын уло ке но, сюлэмзы гуртэ кылемын. Малпанме кужмоятӥз на А. Бурдиналэн кылбурезъя гожтэм кырӟан — «Мон гуртам куно гинэ на». пумиськон пумын сое быдэстӥз А. Иванова.

Та пумиськонэ юромо гуртысь, Пичи Пурга ёросысь Шоринь Юриысь, вуэм Н. Кириллова. Лыдӟиз антиутопизэ, кызьы Инмар музъем вылысь вань адямиосты быдтэ — уго соос сьӧраз ортчо. Оло, Наташалэсь пӧрмоз удмурт           Д. Оруэлл?

Вань та егитъёслэн произведениоссы пыртэмын «Ингож» бичетэ. Ӵемысь соослэсь нимъёссэс адӟыны луэ «Удмурт дунне» газетлэн литературалы сӥзем «Ингож» ватсэтысьтыз но.

Усьтыр-табыр таиз но ужрад пумаз вуиз, сцена вылэ тубиз тодмо писатель А. Иванов. Со Пермь улосвылысь, тунсыкъяське историен, Урал палъёсын. Тодмо «Географ глобус пропил», «Сердце Пармы», «Общага-на-крови» но трос мукет книгаосыныз. А. Иванов шуэ, котькуд интылэн аслаз историез, аслаз аспӧртэмлыкъёсыз, аслаз омырез, сое ик литератураын возьматыны кулэ. Иже со кыкетӥзэ вуиз ни. Городады, пе, калык лыдӟиське, визьмо юанъёс сётъя.

— «Лыдӟиськы, Ижкар!» фестивале вуо зэмзэ но малпаськись, литератураен тунсыкъяськись, визьмо адямиос, — вера Н. Некрасов нимо библиотекалэн кивалтӥсезлэн воштӥсез Елена Мерзлякова. — Котырес ӝӧкъёсын, пумиськонъёсын калык шып ӧз пукы, котькуд вераськонэ пыриськылӥз. Туэ ми бадӟым саклык висъям шаерамы вордӥськем адямиослы. Кылсярысь, пумиськонъёс ортчизы Япониысь писательлэсь Х. Муракамилэсь книгаоссэ ӟуч кылэ берыктӥсен Д. Коваленинэн, фантастика амалэн гожъяськисен Л. Макароваен. «Ижкарлэн куараосыз» площадкаын чузъяськемысь ӧз дугдылэ Ижысь гожъяськисьёслэн чуръёссы.

Озьы ик быдэс нунал ортчиз — ужрад вылысь ужрад, отын ӵаш потто, татын куаш! вазе. Йыр шузиме: кыӵе ужрадэ пыриськоно, кудзэ вераськемъёсты кылзӥськоно? Оглом вераса — бадӟым фестиваль. Но литература шыпытэз яратэ.

Мария Иванова

Туспуктэмъёссы М. Векшиналэн но А. Горбуновлэн

 

Удмурт Дунне
By Удмурт Дунне Сентябрь 16, 2016 11:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<