Гуртлэн азинсконэз хозяйство бордын

Удмурт Дунне
By Удмурт Дунне Сентябрь 20, 2016 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

kigbaevo1

Зэмос профилакторийлы укшась 260 кунянлы гид

Удмуртилэн Тӧроез Александр Соловьев вуылӥз Сарапул ёросысь «Кигбаево-Агро» хозяйстволэн Юрино гуртысь пудо вордонъя комплексэныз тодматскыны.

Татын ог 4 сюрс сюро таза пудо вордо. Таос пӧлысь 1 сюрс но ӝыныез — кысконо скалъёс. Туэ 8 толэзь ӵоже 6 сюрс 694 тонна йӧл кыскизы. Котькудӥз скал 17,8 кило йӧл сётэ. Ёросын та тужгес бадӟымез лыдпус.

2008-тӥ арын Юрино гуртын, 960 йырлы чакласа, ферма ӝутӥзы. Скалъёсты думылытэк возё. «Европараллель» нимаськись оборудование пуктэмзылэн пайдаез зол шӧдӥськиз. Ӟеч тӥрлыкен уногес йӧл кыскыны кутскизы.

Хозяйствоын туэ кунян ваён отделение лэсьтӥзы. Чакламын со 100 йырлы. Со сяна, зэмос профилакторийлы укшась 260 кунянлы гид: пудолэсь тазалыксэ юнмато, ӝоггес будэто но улонэ потто.

kigbaevo

Хозяйствоын туэ кунян ваён отделение лэсьтӥзы.

Александр Соловьев Юриноысь шор ёзо школае но кожаз. Нылпиос сиськыны потало хозяйстволэн столовояз, со понна Кияса-Сарапул тракт вамен выжоно луо. Школа борды пристрой лэсьтысалзы ке, сое столовой карыны луысал. Тӧро ёрос кивалтӥсьёслы проект но смета лэсьтыны косӥз, Удмуртиез 2020-тӥ арозь азинтонъя программае выль объект пуктонэз пыртыны мед луоз шуыса.

Секыт югдур Кигбаевоысь шор ёзо школаын но. Интыос тырмымтэен, нылпиос 2 сменаен дышетско. Татын но пристрой кылдысал ке, выль кабинетъёс усьтыны луонлык сюрысал.  Югдурез эскерозы на Дышетонъя но наукая министерствоын.

Сергей Захаров

Туспуктэм: udmurt.ru

Удмурт Дунне
By Удмурт Дунне Сентябрь 20, 2016 15:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<