Гуртэз сюдэ… пияла

Удмурт Дунне
By Удмурт Дунне 20 сентября, 2016 13:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Но сое ӵыжатон понна газ кулэ!

Удмуртиын пияла посуда лэсьто 2 заводын: Можгалан но Эгра ёросын. Берло 2 ар ӵоже Россиысь та выллем ог 55 завод пӧлысь 14-ез ворсаськиз. Шуг-секытъёсты адӟе  Эгра ёросысь «Факел» но.

4-16-1

Россииысь 41 пияла поттон завод пӧлысь кыкез ужа Удмуртиын.

«Факелын» потӥсь посудалы вожмасько быдэс Приволжск федерал округын. Ӟечлыкез тужвылӥын уго. Вуззы кошке на Москвае, Санкт-Петербурге. Огкыл гожтэмын  Дальний Востокен, Казахстанэн. «Факелын» уго 0,18-сен 1 литрозь олокыӵе но ӟенеликъёс лэсьто. Араз ог 130 миллион ӟенелик ӵыжато.

Заводэн кивалтӥсь Юрий Перваков верамъя, завод араз 800 миллион манет барыш поттэ. Татын тырше 554 адями — ваньмыз сямен Факел черкогуртын но солэн котыраз улӥсьёс. Шоро-куспо уждунзы 14 сюрс манет. Заводын туннэ туж ёрмо пияла ӵыжатыны быгатӥсь усточиослы. Туннэ уго быдэс Россиын сыӵе профессилы дышетӥсь учреждениос 2-3 сяна кылемын ӧвӧл ни. Соин но специалистъёсты ур-вар кыскало. Азьланяз но тазьы ик луиз ке, ужасьёслы ёрмон заводэз зол кекатоз.

155 аръем юбилейзэ пусйыны дасяськись заводын талэсь но бадӟым йыр висёнзы кылдэмын. Кылсярысь, 7-тӥ куарусёнэ, Удмуртилэн Тӧроез Александр Соловьев «Факеллэн» ужаменыз тодматскыны вуылон нуналэ, заводэ газ вуэмысь дугдӥз. Балезино ёросысь шуныт вайись гумыосты тупатъяны кутскиллям. Вужесь ни уго. Гужем ӵоже кыкетӥзэ газэз кысӥзы. Нош «Факел» понна газтэк кылён туж бадӟым ыштонъёс вае.

—  Заводэз дугдытъяны нокызьы уг яра. Гур кысӥз ке, котёлысь  вань пияла сурет тан-тан кынмоз. Выль гур пуктоно луоз. Со понна ог 500 миллион манет кулэ. Соин ик газ ӧвӧл ке но, ми нокызьы но ужамысь дугдыны ум быгатӥське. Таӵе учыръёслы топливо дасямын. Но топливо вылын ужаны туж секыт. Газ понна толэзяз 9 миллион манет тыриськомы ке, топливолы 1 уй-нунал ӵоже 2,5 миллион манет кошке. Та ми понна туж дуно, — шуэ Юрий Перваков.

Кивалтӥсь югдурысь потон амалэз одӥг гинэ адӟе: Балезино ёросысь Исак гуртысь газ гумыосты Эгра черкогуртэн огазеяно. Али Балезиноысь газ гумыос Факел черкогуртозь гинэ вуо. Завод 2003-тӥ арын, кредит басьтыса, ачиз татчыозь газ кыскиз вал, топливоен ужанлэсь мозмытсконо шуыса. Газ кысэмен, школа котельноез но ужатыны уг луы. Газ гумыосты тапала кыскон, Эграез но Балезиноез гумыосын огазеян (со 15 иськем) юрттысалыз «Факеллы» дугдылытэк ужаны. Со сяна, артысь Нагорной но Менил гуртъёсы шуныт кыскыны отӥяз капчигес луысал.

— Газ кыскон «Факел» понна гинэ ӧвӧл — быдэс гурт понна туж кулэ уж. Сое лэсьтоно. Та ужпум туннэ гинэ кылдэмын ӧвӧл ни. Но туэ сое лэсьтон планэ пыртэмын ӧвӧл на, — журналистъёслы шуиз Александр Соловьев.

Югдур кемагес интыысьтыз ӧз вырњы ке, завод воксё пытсаськыны быгатоз, шуо «Факелын» ужасьёс. Соку Удмуртие вуозы мукет улосъёсын ӵыжатэм ӟенеликъёс. Та удысын вожвылъяськон туж бадӟым. Завод улӥз ке,  черкогурт но улоз.

Елена Сараматова

Удмурт Дунне
By Удмурт Дунне 20 сентября, 2016 13:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<