Эшъяськон юртын ортчоз «Ингож» бичетэн тодматскон

Удмурт Дунне
By Удмурт Дунне 19 сентября, 2016 15:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь Эшъяськон юртын 21-тӥ гудырикошконэ 18 часын ортчоз егит гожъяськисьёслэн «Ингож» бичетэнызы тодматскон.ingozh

Туэ оштолэзе «Удмурт дунне» газетлэн редакциез Нациосын ужан политикая министерстволэн но «Шунды» огазеяськонлэн юрттэменызы егит гожъяськисьёс понна ортчытӥз «Ингож» семинар. Та семинарлэн емышез — «Ингож» бичет. Соя дунъяны луэ удмурт егитъёслэсь туала литературазэс.

Ужрадын чузъяськозы кызьы тодмо луэм авторъёслэн — Б. Анфиногеновлэн, Дарали Лелилэн, А. Шумиловалэн — чуръёссы, озьы ик али гинэ литература сюрес вылэ султэмъёслэн произведениоссы. Бадӟым саклык висъяськоз прозалы: мыньпоттозы Шаркан ёросысь Ю. Туровалэн улонысьтыз зарисовкаосыз, инбам сьӧры вуттозы Пичи Пурга ёросысь Н. Кирилловалэн романтической веросъёсыз. Со сяна, татын лыдӟемын луоз Эгра ёросысь Д. Лекомцевалэн «Вакчиям улон, яке Макем усто пинал луыны» пьесаез.

Кылбур, проза, драма вошъяськозы егитъёслэн чуръёссыя гожтэм кырӟанъёсын. Со сяна, асьсэ творчествоенызы тодматозы коми кылбурчи Татьяна Шахова, эрзя Алина Подгорнова но пор Вера Гордеева.

«Удмур дунне»

Удмурт Дунне
By Удмурт Дунне 19 сентября, 2016 15:10