Дуннеысь иворъёс: Музъем зуркан, параолимпиецъёслы ӵошатсконъёс но Йӧ дворец

Удмурт Дунне
By Удмурт Дунне 1 сентября, 2016 08:58

Дуннеын

 Зуркыт

Таяз арняе Италиын кӧня ке пол музъем зурказ.

Арня шорын Италиысь 3 улосын музъем зурказ. Землетрясение сыӵе зол вал, Аматриче город быдэсак куашказ, шуыны луоз. Музъем вырыны кутскиз му пушкын ог 10 иськем мурдалаын. Зуркытэзъя со сыӵе кужмо вал, 113 иськемозь, Римозь ик шӧдӥськиз. Кӧня адямиос куашкам юртъёс улын юрттэт витё на — тодмо ӧвӧл, музъем тужгес зол зурказ уйин, адямиос талы дась ӧй вал. Инкуазез эскерисьёс но ӧз тодэ вераны, ку витёно кышкыт учырез. Туннэ нуналлы Италиын 247 мурт быремен лыдъямын.

параолимпиада Россиын

 Ӵошатскозы паралимпиецъёс

Россия нимысьтыз ӵошатсконъёс радъялоз асьме паралимпиецъёсмы понна.

Кызьы тодмо ини, Лозаннаысь спортъя арбитраж суд Россиысь командаез Рио-де-Жанейроын ортчоно Паралимпиадае пыриськыны ӧз лэзьы. Асьме спортсменъёс та юанъя вазиськыны малпало Швейцариысь федерал судэ. Нош Россилэн Президентэз Владимир Путин шуиз: паралимпиецъёсмы понна кунамы нимысьтыз ӵошатсконъёс радъялом.

— Ми тӥледыз валаськомы, соин ик ортчытомы нимысьтыз ӵошатсконъёс, кытын тӥ возьматоды асьтэлэсь быгатонлыкъёстэс. Вормисьёс сӥлы каремын луозы Паралимпиадаын медалистъёс сямен ик, — шуиз В. Путин.

 Удмуртиын

 Нылпиослы кузьым

1-тӥ куарусёнлы Глазовын усьтӥськоз выльдэм  «Прогресс» Йӧ дворец.

Та Йӧ дворецез тупатъян ужъёс 4 ар пала кыстӥсько ни, берло дыре лэсьтӥськисьёс чырмытгес кариськизы. Пиналъёслэн возьмамзы юнме уз луы, дворец ӵыжак-выль кадь луоз но туала куронъёслы тупалоз. Глазов городлэн йырыз Олег Бекмеметьев оскытӥз: выль дышетскон арлы спортъя объект ӧсъёссэ усьтоз ни. Лэсьтӥськисьёс юнматӥзы ини пуконъёсты, таблоез. Кылиз на йӧ кисьтыны, кылиськон-дӥсяськон интыосты буяны но дворец котырысь асфальт вылэ разметка лэсьтыны. Озьы ик али уж мынэ «Прогресс» дворецез Россиысь спортъя объектъёслэн реестразы пыртон пумысен.

 Галина СЕМЁНОВА

 

Удмурт Дунне
By Удмурт Дунне 1 сентября, 2016 08:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<