Дуннеысь иворъёс: Бразилиын -Паралимпиада, Россиын — машина нуллон правоя чурыт куронъёс но лыдъян-чотан

Удмурт Дунне
By Удмурт Дунне 2 сентября, 2016 10:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

параолимпиадаДуннеын

 Бразилия жуг-жаг пӧлын

Вуоно арняе Рио-де-Жанейроын кутскоз Паралимпиада. Бадӟым ужрад азьын ӥюгдур ӟырдамын.

Паралимпиадая калыккуспо комитет Россиысь инвалид спортсменъёслы отчы пыриськыны ӧз лэзьы. Озьы ке но 30 спортсменмы комитетэ куриськон келяз ик вал. Угось вирысьтызы допинг огпол но ӧз шараяллялэ. Но югдур ӧз воштӥськы.

1-тӥ сентябре Бразилиын тӧрозы воштӥськиз. Табере кунэз валтоз Мишел Темер. Выль тӧро бускель кунъёслы но, Бразилиысь калыклы но уг кельшы. Али Сан-Паулу городын калык пумит мылкыдзэ возьматэ — ульчаосты жуг-жаген соге, магазинъёсты, банкъёсты тарка.

машина Россиын

 1 интые — 5 юан

Машина нуллон право басьтон понна 1-тӥ сентябрьысен куронъёс чурытгес луизы.

Миым аръёсы экзаменын 2 янгыш лэсьтыны яра вал. Выль куронъёсъя котькуд шонертэм валэктонлы ватсаса 5 юан сётӥськоз. Котькуд юанъя малпаськыны дыр — 1 минут.

Автодромын экзаменлы 12 минут чакламын. Отын азьвыл 3 упражнение возьматылӥзы ке, али 5 каремын. Инспектор водитель вӧзын пукылӥз. Сентябрь толэзьысен солэн интыез — экзамен сётӥсь мышкын — экзамен сётӥсьлэсь вань выросъёссэ ӟеч мед адӟоз шуыса. Городэтӥ экзамен сётыку, 5-лэсь трос янгыш лэсьтыны уг яра. Кин экзаменъёсты бӧрсьысь бӧрсе 3 пол сётыны уз быгаты, соос выльысь лыктыны быгатозы, толэзь ортчыса гинэ.

перепись Удмуртиын

 Лыдъямын-чотамын

Йылпумъяськиз Россиысь гурт удысын лыдъян-чотан.

Перепись мынӥз 1-тӥ июльысен 15-тӥ августозь. Шаерамы отчы пыриськиз 92 инструктор но 553 переписчик. Туннэ тодмо ни: элькунамы дораз пудо, тылобурдо вордэ 244 сюрс 958 адями. Та пӧлысь 11 сюрс 779-эз — городын улӥсьёс, кылемез — гуртоос. Сад-бакчаез вань 13 сюрс 583 муртлэн. Гурт удысын берга 409 огазеяськон, 61 фермер хозяйство.

Йылпумъянъёс рос-прос лэсьтэмын ӧвӧл на. Соос пыр-почгес тодмо луозы 2018-тӥ ар пумын гинэ.

 Ольга Корепанова

Удмурт Дунне
By Удмурт Дунне 2 сентября, 2016 10:59 Updated