Дуннеын — эмъюм яке допинг, Россиын — ОСАГО выльдӥськон, Удмуртиын — шуныт сётон

Удмурт Дунне
By Удмурт Дунне 20 сентября, 2016 09:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
допинг.rusada.ru

rusada.ru

Дуннеын

 Эмъюм яке допинг?

Хакеръёс Дуннеысь допинген нюръяськонъя агентстволэсь документъёссэ шарае поттӥзы.

Документъёсын гожъямын, кылсярысь, теннисэн шудӥсьёслы Серена но Винус Уильямсъёслы, гимнасткалы Симона Байлзлы, баскетболисткалы Елена Делле Доннлы допинг лыдъяськись эмъюмъёсты юыны лэземын шуыса. Рио-де-Жанейроын Олимпиадалэсь азьвыл Байлз но Делле Донн эскерон пыр потӥзы. Вирысьтызы шедьтэмын вал лэзьымтэ суретъёс. Озьы ке но спортсменъёсты шудонъёслэсь ӧз палэнтэ. Озьы соос зарни медальёс басьтӥзы.

Та вакытэ хакеръёс 25 спортсменлэсь документъёссэс шарае поттӥзы ини. Та пӧлысь 10-эз спортсменъёс Америкаысь, быдэн 5-ен Германиысь но Великобританиысь, быдэн оген Чехиысь, Даниысь, Польшаысь, Румыниысь но Россиысь.

осаго misanec.ru

Туспуктэм: misanec.ru

 Россиын

 ОСАГО выльдӥськоз

Коньдон ужпумъёсъя министерство ОСАГО страхованиея законэ воштонъёс дася.

ӵектэмын полисъёсты 3 пумо карыны: 500 сюрс манетозь, 1 миллионозь но 2 миллионозь. Али шуккиськем машина понна страховщикъёс 400 сюрс манетозь тыро, адями вӧсь луыку — 500 сюрс манетозь. 3 полисъёс пӧлысь кудзэ ке машина кузё ачиз быръёз.

ОСАГО-ез гожтыку, лыдэ уз басьтӥськы ини машиналэн кужымез. Со понна чаклалозы, руль бергатӥсь сюрес вылын кыӵе ассэ возе. Шуккиськонъёсыз, штрафъёсыз ӧвӧл ке, документ дунтэмгес усёз.

0104114,УКС,пар,труба,ЖРП,авария,Ижевск,улица Майская

Туспуктӥз А. Горбунов.

Удмуртиын

Шуныт вуэ

Дась-а асьмеос толлы, эскеризы Кун Кенешлэн Президиумаз.

Кылем арын юртъёсты шунтонъя уно шуг-секытъёс кылдылӥзы. Тужгес но — Ижын. Туэ сыӵе югдуре вуонтэм вылысь городысь шуныт вайись гумыосты тупатъянлы 497 миллион манет висъямын вал. Ёросъёсы кошкиз 63 миллион манет. Правительстволэн Тӧроезлэн воштӥсез Р. Касимов верамъя, шаермы толлы 97 процентлы дась. Толон 14 процентаз трос квартираем коркаосы, 45 процентаз эмъяськон юртъёсы, 44 процентаз садъёсы но 35 процентаз школаосы шуныт пыриз ни. Секыт югдур кылдэмын Балезино но Дэри ёросъёсын. Татын котельнойёссы но гумыоссы начаресь. Балезино ёросысь 3 котельноез тупатъяны висъямын 21 миллион манет.

  Ольга Корепанова

 

 

Удмурт Дунне
By Удмурт Дунне 20 сентября, 2016 09:17