1 сюрс 800 полицейскойёс эскеризы дышетскон учреждениез

Удмурт Дунне
By Удмурт Дунне Сентябрь 2, 2016 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Kozlov

Сергей Козлов: школаостӥ нырысь ортчизы кинологъёс.

 1-тӥ куарусёнэ элькунысь котькуд дышетскон учреждениез эскерыса возизы 1 сюрс 800 полицейскойёс.

Югдурез утёнъя министерствоысь полициен кивалтӥсьлэн воштӥсез Сергей Козлов ивортэмъя, школаостӥ нырысь ортчизы кинологъёс. Классъёсты, коридоръёсты, дӥсь возён интыосты сяна, соос эскеризы кенеръёсты но — мурт адями школа азбаре медаз шедьы.

— Август толэзе ми чакласа потӥмы автобусъёсты, сюресъёсты, руль бергатӥсьёсты, школаез тупатъясь бригадаосты, выль лыктэм дышетӥсьёсты, — вераз Сергей Григорьевич. — Выльдон-лэсьтӥськон ужъёсын вырисьёс пӧлысь 6-сэ палэнтӥмы. Та адямиос пытсэт сьӧрын пукылэмын, шузимытӥсь суретъёсын кушласькемын вылӥллям. Ужезлэсь мозмытӥмы Ижысь огысьтыз нылпи садысь нянечкаез но: наркотикъёсын эшъяськем. 13 сюрс 107 дышетӥсьёсты но сӥс пыр поттӥмы. 142-сэ законэз тћямзы понна ужзылэсь мозмытћмы. Визьнодась кыл кутон улэ шедьылэмын луыны кулэ ӧвӧл.

Август пумын полицейскойёс эскеризы на кафеосты, магазинъёсты. 1-тӥ куарусёнэ угось курытэныз вуз карыны уг яра вал. Туэ законэз тӥясьёс ӧз шеде. Кылем арын Балезино ёросысь огаз магазинын быдэ вуымтэослы сур вузаллям ик. Таӵеослы 5 сюрс тыриськон тупатэмын. Ар куспын 2-тӥзэ шедьыку, уголовной уж ӝутӥське. Миым 17 муртэ уголовной кыл кутон улэ кыскемын.

—  1-тӥ куарусён гань-гань ортчиз, — шуиз С. Козлов. — Кылем арын Ижысь огаз школаын югдур ӟырдалляз ик. Дышетскон учреждение котырысь складын утялскон мыныку, снарядъёс шедьтэмын вал. Сапёръёс вуэм бере ганяк шокчимы: соос дышетон снарядъёс гинэ вылӥллям.

Пусъёно: патрулья но постъя службаысь воргоронъёс сяна, школаосты но нылпи садъёсты син азязы сак возизы сюрес вылысь югдурез утисьёс, быдэ вуымтэосын ужасьёс. Соос школа кенеръёс вылэ кечырскылэм, сюрес вамен лэзьымтэ интыетӥ потась пиналъёсты кырмылӥзы. Валэктӥзы: астэ лякыт но сак возёно — шудтэм учыре шедьыны кема ӧвӧл.

Ольга Корепанова

Удмурт Дунне
By Удмурт Дунне Сентябрь 2, 2016 16:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<