Югдурез утён: Чупчие тэтчиз, Ижын лушкаськиз, кырс вераськиз…

Удмурт Дунне
By Удмурт Дунне Август 16, 2016 11:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Сикын сӥль эн пыжы

 Шаерамы 1-тӥ сентябрёзь нуйтэмын тылпулэсь утиськонъя режим.

Та арня вискын тыл кузёяськиз Вотка ёросын. Отын пеньлы пӧрмиз 0,9 гектар сик. Туэ нюлэсъёсын 30 пол тылпу поталляз — кылем арынлэсь 2 поллы ӵемгес. Тэле сӥль пыжыны ветлоно ӧвӧл. Та понна чакламын адямиослы 5 сюрс, кивалтӥсьёслы 40 сюрс, огазеяськонъёслы 500 сюрс манет тыриськон.

 Кузё но, машина но ӝуазы

Можга город администрация азьын 24-тӥ июле 4 часын ӵукна гомӟиз «Рено Логан» машина.  

Тылпуэз кысэм бӧрсьы тодмо луиз: машина гинэ ӝуамтэ — 30 аресъем кузёез но. Пиосмурт машина пушкын тамак пурккетэм, сур юэм. Та бӧрсьы ик «корт валлэн» пушкыз кенжем…

Улӥз Можгаын, лушкаськиз Ижын

Ижысь коньдонэн вырись 3 пичи огазеяськонъёсысь уксё капыръямез понна 2 арлы пытсэт сьӧры пуксиз В. Неклюдов.

Элькунысь Прокуратура ивортэмъя, кескич воргорон кузпалъяськемын, 2 пичи нылпиосыз будо, улэ но ужа вал Можга городын. Йыртэмась малпаз, Ижын сое уз тодмалэ, кырсь ужез понна кылзэ уз юалэ шуыса. Озьы туэ февраль, март толэзьёсы узырмыны шоркаре вуылӥз. Огазеяськонъёсысь ужасьёсты кышкатыса, уксёзэс талаз.

 Вераськы чебер!

Можга город Думаысь огезлы депутатлы суд тыриськон лякиз.

Туэ май толэзе депутат городысь огаз кафее шутэтскыны пырем. Кӧтсэ тырон висказ отын пукись 2 адямилы кырсь кылъёссэ кисьтэм. Та понна пиосмуртэ 5.61 статьяя административной кыл кутон улэ кыскизы. Умойтэм вераськемез понна депутат та 2 адямиослы быдэн 1 сюрс манет сётоно луоз.

Чупчие тэтчиз

Глазовысь спасательёслы жингыртӥсь луиз: Чупчи шур вамен выж вылысь 2 воргоронъёс, пе, тэтчыны туртто.

Спасательёс выж доры пыжен вуытозь, огез пиосмурт, пунызэ кутыса, Чупчие тэтчыса вуттэм ик. Ярам, со но, ньыль пыдо эшез но улэп кылиллям.

Мукетызлы пиосмуртлы шуре зымыны ӧз кылды — лопырскыны дасяськем муртэ кырмизы спасательёс.

 

Ольга Корепанова

 

Удмурт Дунне
By Удмурт Дунне Август 16, 2016 11:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<