Выжыосты герӟа ӵушкон

Удмурт Дунне
By Удмурт Дунне 4 августа, 2016 08:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
удмурт, дорвыжы

Фестивальын вашкала калык сямъёсты, кырӟан-эктонъёсты арысь аре возьмато шаерысьтымы пӧртэм ансамбльёс.

Ува ёросысь Узей-Тукля черкогуртын ортчиз «Дорвыжы» фестиваль-конкурс. Отчы вуылӥзы 11 фольклор коллективъёс.

Фестивальын вашкала калык сямъёсты, кырӟан-эктонъёсты арысь аре возьмато шаерысьтымы пӧртэм ансамбльёс. Туэ «Дорвыжы» 7-тӥзэ ортчиз. Куноосты ӟечкыланы вуылӥз культурая но туризмъя министр Владимир Соловьёв.

— Ужрадамы бадӟым инты басьтӥз ӵушкон, — вера Узей-Тукля культура юртлэн кивалтӥсез Ольга Конышева. — Угось ӵушкон котьку бордамы. Нуны вордӥське — ӵушконэ бинялтӥськомы. Бадӟым будыса, пияш армие кошке — чыртыяз ӵушкон ошиськомы. Армиысь вуыса, пияш кузпалъяське — егитъёсты ӵушконэн шобыртӥськомы. Ваньзэ тае возьматӥмы вашкала йылолъёс, сямъёс пыр.

«Дорвыжыын» ужазы мастер-классъёс. Гуртысь кибашлыос люкаськемъёслы адӟытӥзы, кызьы кызьпу туен ужано, выж лёгет куоно, кут кутано но мукет.

Дунъясьёс котькуд коллективез сак кылзӥзы. Вормисе потӥз Алнаш ёросысь Ӧркагуртысь «Выль ӟардон» ансамбль. Гершыд гуръёсты со пӧртэм куараосын быдэстӥз но гуртоослэсь сюлэмзэс вырӟытӥз. «Кусо шуккон» йылолэныз 2-тӥ луиз Ува ёросысь «Азвесь» коллектив. 3-тӥ интыез озьы ик уваос басьтӥзы — «Гудыри сяська» ансамбль возьматӥз «Турнан вакыт» сямез.

Удмурт Дунне
By Удмурт Дунне 4 августа, 2016 08:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<