Театр утча ним

Удмурт Дунне
By Удмурт Дунне 1 августа, 2016 09:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Та юрт сётэмын луоз «Айкай» ансамбльлы но мукет фольклор коллективъёслы, удмурт кафелы.

Та юрт сётэмын луоз «Айкай» ансамбльлы но мукет фольклор коллективъёслы, удмурт кафелы.

Ижысь Короленко нимо вуж театрез тупатъян мыло-кыдо мынэ.

Лэсьтӥськисьёс азе бадӟым ужпум пуктэмын: быдэсак воштоно укноосты, ву гумыосты, кӧсатоно гулбечсэ, тупатоно пырон ӧссэ, выльдоно липетсэ. Удмуртилэн Тӧроез Александр Соловьев тупатъян ужъёсты син шораз возе. Та нуналъёсы югдурез эскерыны вуылӥз министерствоосысь но Иж город администрациысь кивалтӥсьёсын ӵош.

Театр котырын трос вуж объектъёс: мастерской, гараж но мукет куштэм сэрегъёс. Кенерез гинэ но чебер ӧвӧл ни. Ӵапак та объектъёс котыртӥ кема ветлӥзы кивалтӥсьёс. Выльдэм юртлэсь туссэ медаз сапталэ шуыса, кенешизы тупатыны луоно объектъёсты юнматыны, кулэтэмзэ кесяны, интыязы туала гаражъёс ӝутыны. Со сяна, куакъёсты ӵышкыны косэмын. Азьланяз чакламын театр дортӥ выль сюрес лэсьтыны, со огазеялоз цирк дорысен Карл Маркс ульчаозь кыстӥськись урамез.

— Театр сентябрь кутсконын вуттэмын луыны кулэ, —  журналистъёслы шуиз Александр Соловьев. — Но таин уж уз йылпумъяськы. Правительствоез косэмын проект но смета лэсьтыны юртлэсь пушсэ лэсьтон понна. Таиз борды басьтӥськыны кулэ ни вуоно арын. Соку ик корка пырон ортчытомы. Удмурт театрлэсь но Операя но балетъя театрлэсь таиз юрт  уродгес уз луы.

Культурая но туризмъя министр Владимир Соловьёв верамъя,  театр сётэмын луоз кырӟанъя но эктонъя «Айкай» кун театрлы. Со сяна, инты висъялозы мукет фольклор коллективъёслы. Татын ик ужалоз удмурт кафе. Али театрлы ним утчало.

Елена Сараматова

Туспуктӥз Э. Карипов

Удмурт Дунне
By Удмурт Дунне 1 августа, 2016 09:32 Updated