Сюга дуре пуксёз Выльгурт

Удмурт Дунне
By Удмурт Дунне Август 2, 2016 09:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

13706,композиция из фруктов,овощей и цветов,урожай,садоогород,натюрморт6-тӥ гудырикошконэ Можга карысь Сюга шур дурын лымшор ёросъёс понна  ортчоз Виль шулдыръяськон. Нырысьсэ огазеялоз со Алнаш, Грак, Вавож, Пичи Пурга но Кизнер районъёсты.

Можгаын Виль шулдыръяськонэз ог 10 ар ортчытъяло ни. «Удмурт Кенеш» огазеяськонлэн районысь ёзэныз кивалтӥсь Эдуард Петров верамъя, берло дыре городысь калык удмуртлык пала золгес но золгес кыстӥське. Адямиос Виле но мыло-кыдо пырисько, быдэс семьяосынызы лыкто. Артысь ёросъёсысь но ужрадэ вуыло. Виль праздник Герберлэсь пќртэмгес мед луоз шуыса, шулдыръяськонэз аспӧртэм вуз карон кадь карыны чакламын.

— Куноос выль урожаен тодматскыны, сое веръяны но басьтыны мед быгатозы шуыса, ужрадэ ӧтимы пӧртэм ёросъёсысь фермеръёсты. Алнаш но Кизнер палась фермеръёс лыктонзы пумысен веразы ни, — шуэ Эдуард Степанович. —  Возь вылын кылдытомы Выльгурт, отчы лэсьтомы Йӧл, Нянь, Чечы, Сӥль но Емыш урамъёс. Нимъёссыя ик валаны луоз, кытысь мае шедьтоно. Со сяна, Виле лыктэм куно быгатоз паймытыны бакчаяз будэтэм аспӧртэм емышен. Таослы нимысьтыз сэрег висъямын луоз адӟытон лэсьтон понна. Возь вылэ капкаетӥ котькуд пырисьлы луонлык кылдоз чечы кысконъя мастер-классэ сюрыны. Адямиос ас синмынызы адӟозы, кызьы люкаське чечы.

Сцена вылысен калыкез кӧня ке час ӵоже шулдыртозы ёросъёсысь фольклор коллективъёс, Можгалась «Вить Сергейёс» ансамбль. Пичиослы мӧзмыт медаз луы шуыса, радъяськоз «Кӧжыпог» конкурс. Нылпиослэсь эскерозы кырӟаны, серемес веранъёс мадьыны быгатонзэс. Палэнэ уз кыле егитъёс но. Таос быдэ вуэмзэс возьматыны кулэ луозы. Со сяна, егит семьяосты карнанэн ву нуллытозы, сюрлоен ужатозы, емыш бичатозы, пу пильытозы. Бадӟымъёс картошка октозы, сяртчы ишкозы. Озьы котькуд ареслы тупамон ӵошатсконъёс дасяськомы.

Эдуард Петров верамъя, Виле ог 3 но ӝыны сюрс адямиез витё. Возь вылысь турын турнамын ни. Ужан арня пумын шур дурын ӝужалозы азбаръёс, ӝӧкъёс-ӟусъёс. Выль кеньырен ӝук пӧзьтыны пуртыос «кенешчиос», быдэс ёросысь утчаса, шедьтӥзы ни. Можгаос понна Виль ортчытъякузы, 2000-тӥ арысен арлы быдэ нимысьтыз грамотаен пусъё районысьтызы дано удмурт адямиез, удмуртъёс понна трос лэсьтӥсь муртэ. Солэсь нимзэ «Удмурт Кенешлэн» ёросысь ёзэзлэн книгаяз но пырто. Таяз рад но удмуртлык понна висись мурт быръемын. Со — ёросысь ужбергатӥсь Владимир Кузьмин, кивалтӥсьёс сӥлы карозы сое сцена вылысен.

— Виль праздник умой ортчиз ке, вуоно арын сое Сюга шур дурысь Можга город шоры выжтомы, огзэ урамез машинаослэсь ворсаломы. Озьы эшшо тросгес адями шулдыръяськонмы сярысь кылоз-адӟоз, — шуэ Эдуард Петров.

Елена Сараматова

Туспуктӥз А. Горбунов

Удмурт Дунне
By Удмурт Дунне Август 2, 2016 09:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<