«Шундыкар»: Ӟеч уж лэсьтыны дась лу!

Удмурт Дунне
By Удмурт Дунне Август 31, 2016 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
«Шундыкарын» дунъяло историез.

«Шундыкарын» дунъяло историез.

Усточи удмурт пиналъёс понна котькуд гужем ӧсъёссэ усьтэ «Шундыкар»  лагерь. Туэ со ортче Иж сьӧрысь «Ёлочка» лагерьын.

«Шунды» огазеяськонлэн кивалтӥсез Ольга Тронина ивортэмъя, «Шундыкаре» 130 удмурт пиналъёс люкаськемын. Ужа 11 отряд. Туэ со сћземын пќртэм вакытъёслы. Солэсь программазэ малпам валтӥсь вожатой Аня Пислегина.

Нырысетӥ нуналаз ик пиналъёс первобытной адямиослы пӧрмытскиллям, комнатаоссэс пещераослы укшатӥллям. 2-тӥез нунал сӥземын вылэм батыръёслы. Нылпиос дышетскиллям тыл аратыны, сиён утчаны. 3-тӥез нунал тодэ вайытӥз 19-тӥ даурез. Нылъёс кузь дэрем, пиос сьӧд фрак дӥсяса, балын эктӥллям.

«Шундыкаръёс» доры 4-тӥ нуналаз вуылӥмы. Тазэ егитъёс Совето Союз вакытлы сӥзиллям — вань вожатойёс пионер галстукен ветло. Урокъёс бере нылпиос стилягаослы пӧрмытскыны дасясько.

«Тележурналистика» — тужгес пичиез отряд. Отын 6 пинал сяна ӧвӧл. Нюлэс кушын съёмкаос лэсьто.

— «Битва экстрасенсов», «Ревизорро» передачаослэсь адӟем карыса, малпамы асьмелэсьёссэ — «Туно-пелёос» но «Эскерино. Чуртнанино», — вера отрядлэн дышетӥсез Анастасия Петрова.

Сиклэн мукет палаз но съёмкаос мыно: «Видеоискусство» отрядысь пиналъёс  клип лэсьто. Киосазы — палашъёс. Тыш-таш вожвылъясько. Визьнодасьсы Влад Степанов шуэ:

— Клип кыстӥськоз 4-5 минут. Матын луоз чеберлыко фильмлы. Нылпиос асьсэос ик сценарист, куарая режиссёр, монтажёр карисько.

«Дизайн» отрядын чус-чус. 9 нылъёс, йыръёссэс ӝуткатэк, удмурт дэремъёс вуро — адӟытонлы дасясько.

— Ми нырысь ик эскеримы пӧртэм интыосын улӥсь удмуртъёслэсь дӥськутъёссэс, — валэктэ дышетӥсьсы Алёна Петрова. — Соослэсь куд-ог амалъёссэс асэстыса, нылъёс асьсэлэсь удмурт дэремъёссэс кылдытӥзы. Вуриськон машинамы ӧвӧл — ваньзэ киосынымы лэсьтӥськомы.

Ужгур пӧзе «Крезь лэсьтон» отрядын но. Али гинэ лусъем крезьгур инструментъёс котырысь нюлэс зын вӧлске. Крезь вӧзы пиос пулэсь ик бубылиос лэсьто на. Соосты, пе, чыртыосамы чебер пономы.

— Мон 3 нунал куспын крезь лэсьтӥсько, — вера дышетӥсьсы Василий Широбоков. — Нош нылпиос 6 нунал куспын вуттыны кулэ. Ми лусйиськомы, нош крезьгурчиосмы сиоссэ тупатъяло, шудымон каро.

«Шундыкарын» пиналъёс шутэтскозы, тодон-валан люкалозы 27-тӥ августозь.

Ольга Корепанова

Удмурт Дунне
By Удмурт Дунне Август 31, 2016 12:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<