«Шаере» кырӟан

Удмурт Дунне
By Удмурт Дунне 2 августа, 2016 14:31
Кылъёсыз Н. Байтеряковлэн
Крезьгурез Н. Трубачевлэн


Мыно, мыно луд вылэ  
сюрес кузя,

Бусъёс пыртӥ азьлань вамышъяло.

Инвис вылын,  мынам сюрес азям

Зарни кизилие ворекъялоз.

 

Тани-тани сяська кадь усьтӥськоз

Шаер вылам адӟылымтэ нунал.

Чебер музъем вылын мон улӥсько

Сое эшшо чебер карон понна.

 

Мон яратӥ котыр возь вылъёсме,

Ас вордӥськем гуртме мон яратӥ.

Калык сюлмысь шедьтӥ кырӟанъёсме,

Ӟечлы оскон но калыкысь шедьтӥ.

Удмурт Дунне
By Удмурт Дунне 2 августа, 2016 14:31