Ортчоз-а Ижын калыккуспо «Экспо» адӟытон?

Удмурт Дунне
By Удмурт Дунне 1 августа, 2016 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

экспо

2025-тӥ арын адӟытонэз ортчытыны мукетъёс пӧлын ӵектӥське Россия. Али быръё, кыӵе городын сое радъяно: Санкт-Петербург, Нижний Новгород, Екатеринбург, Иж.

Москваын кылем арня вискын кенешизы выль технологиослы но разработкаослы сӥзем калыккуспо «Экспо» адӟытонэз 2025-тӥ арын Россиын ортчытон пумысен. Ужрадэ пыриськиз Удмуртилэн Тӧроез Александр Соловьев но.

Нырысетӥез адӟытон радъямын вал 1851-тӥ арын Лондонын. Адӟытонын возьматӥсько калыклэн быгатонлыкъёсыз, государстволэн азинскемез, туала технологиос.

2025-тӥ арын адӟытонэз ортчытыны мукетъёс пӧлын ӵектӥське Россия. Али быръё, кыӵе городын сое радъяно: Санкт-Петербург, Нижний Новгород, Екатеринбург, Иж.

— 2025-тӥ арозь Иж городлэсь 15 иськемын ӝужаны кулэ Робоград — выль стандартъёсъя лэсьтэм город, — шуэ Александр Соловьев. — Азьмынӥсь технологиосты, выль усьтонъёсты ӵапак татын пыӵатозы. Калыклэсь улонзэ капчиятон вылысь чакламын трос туала техникаез кутыны. Аспӧртэм город юрттоз шаерамы уногес туристъёсты но кыскыны. Ӵапак со городын ортчытыны луоно «Экспо-2025» адӟытонэз.

Робоград 600 гектар вылэ пуксёз. Татын ужалозы индустриальной, технологической но промышленной паркъёс.

Туннэ тодмо ӧвӧл на, Россиысь кыӵе город пыриськоз адӟытонэз ортчытыны кандидатъёс пӧлы. Но Удмуртилэн пӧлазы сюрыны луонлыкъёсыз вань.

Сергей Захаров

Удмурт Дунне
By Удмурт Дунне 1 августа, 2016 10:00