Пӧртэм калыкъёслэсь нылпиослы сӥзем кылбуръёссэс ӟуч кылэ берыктозы

Удмурт Дунне
By Удмурт Дунне Август 9, 2016 13:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

мон петырИжын люкаськозы выжы калыкъёслэсь нылпи литературазэс кылысь кылэ берыктӥсьёс. Ужрадэз ортчытэ Удмуртиысь писательёслэн огазеяськонзы.

Выжы калыкъёслэсь литературазэс Совето вакытэ трос берыктылӥзы ӟуч кылэ, берло дыре — воксё ӧз. Та югдурез тупатон борды басьтӥськиз Удмуртиысь писательёслэн огазеяськонзы. 15-тӥ-16-тӥ куарусёнэ Ижын «Мон-Петя Пушкин» нырысетӥ калыккуспо люкан ортчоз. Та ужрад шаерамы вордӥськем П. Чайковскийлэсь нимзэ нуллэ. Кызьы иворто радъясьёс, пичи дыръяз дано композитор кылбуръёс гожъялляз, нош яратоно кылбурчиез солэн вал Александр Пушкин. Соин, вылды, пичи дыръяз, крезьгурчи ӵемысь вералляз: «Мон — Петя Пушкин».

Выжы калыкъёслэсь литературазэс дунне кылъёсы берыктон пумысен Удмуртиысь писательёслэн огазеяськонзылэн кивалтӥсез Пётр Захаров кемалась потталля ни.

«Удмурт дунне» газетэн егит гожъяськисьёс понна ортчытэм «Ингож» семнарын но со малпанзэ шараяз: Удмуртиын кылдытоно выжы калыкъёслэсь литературазэс дунне кылъёсы берыктонъя центр. «Мон-Петя Пушкин» ужрад та малпан дорозь — огез вамыш.

— Поэзия котьку азьпалан мынэ. Соин ик та люканын саклык висъяськоз нылпиослы сӥзем поэзилы, — ивортэ Удмуртиысь писательёслэн огазеяськонзы. — Шаерамы потэ нылпиослы «Кизили» журнал, «Ӟечбур!» газет. Но жаляса верано, кемалась ӧй вал ни нылпиослы сӥзем антологиос. Тодэ лыкто на ог 20 ар талэсь азьло потэм нылпи литературалы сӥзем «Вуюись» бичет, яке 2000-тӥ аръёслэн кутсконазы «Ӟечбур!» газетэн поттэм «Ӟабыльтӥсь чуръёс» книга.

Шумпотоно, та семинар бере кылдоз выль книга — нылпиослы сӥзем пӧртэм авторъёслэн кылбуръёсынызы бичет.

Семинарын дышетскон мыноз. Лекциос лыдӟозы Москваысь но кунгож сьӧрысь вуэм куноос — кылбурчи Сергей Гловюк, прозаик Юрий Нечипоренко, ӟуч литератураез фин кылэ берыктӥсь, кылбурчи Юкка Маллинен. Ужрадэ пыриськон понна, pisateli.udmurtii@yandex.ru электрон почта пыр ыстоно 30 пала асьтэлэсь гожтэмъёстэс яке калыкен малпам (фольклор) кылбуръёсты (соос одно ик нылпиослы сӥземын луыны кулэ), бордазы одно ватсано ӟуч кылэ берыктэмъёсты (подстрочникъёсты). Семинар дыръя вань люкаськемъёс со построчникъёсты волятозы, чеберлыко произведенилы пӧрмытозы.

Мария Векшина

Удмурт Дунне
By Удмурт Дунне Август 9, 2016 13:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<