Кызьы нылпилы книгаез яратон пыӵатоно?

Удмурт Дунне
By Удмурт Дунне Август 10, 2016 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ужрадТододы «Ымысь ыме, пельысь пеле» мастер-класс дыръя. Ортчоз со туннэ 11 часын Ижысь 23-тӥ номеро библиотекаын (Вормонлы 40 ар урам, 56-тӥ «а» номеро юрт) ортчоз.

Мастер-классэз нуоз али Римын улӥсь удмурт нылкышно Ларсиа Широбокова. Италиын, пе, анайёс нылпиосынызы ӵем ветло библиотекаосы, ӵошен выжыкылъёсты лыдӟыло, соосъя инсценировкаос пуктыло. Озьы нылпи книгаосты яратыны кутске. Та пумиськон дыръя Лариса Широбокова тодматоз, кызьы Италиын ортчо та выллем пумиськонъёс.

— Мыным тунсыко, кыӵе методикая пиналъёсын ужало Италиын. Выжыкылэз, пе, луэ огшоры лыдӟыны но, инсценировка но карыны, суреданы но, лыдӟиськонэз пӧртэм крезьгуро инструментъёслэн куараосынызы но узырмытыны, — вера ужрадэз радъяны юрттӥсь Оксана Крылова. — Мыным кельше, ку нылпиос асьсэос шудонэ, лыдӟиськонэ пырисько, удмурт кылэз вераськоназы куто. Та выллем пумиськонъёсты азьланяз но радъяны тыршом — 2 арнялы огпол. Нырысь ик, витиськом удмурт нылпиосты, бӧрысь ужрадамы ӟучомемъёссэ но кыском.

r9jrxdRoU50

Лариса Широбокова тодматоз, кызьы Италиын ортчо та выллем пумиськонъёс.

Ачиз Оксана сурдопедагог, дефектолог. Кылем толэзе нылкышно Кез ёросын ортчем удмурт кылъя лагерьын нылпиосты удмурт кыллы дышетӥз… шудон пыр. Нош лагерь йылпумъяськыку, пиналъёс асьсэос удмурт кылын выжыкыл возьматӥзы. Тросэз нылпи садъёсын ужасьёс верало, покчиослы удмурт шудонъёс, кылверанъёс шедьтыны шуг шуыса. Оксана но соосты отысь-татысь бича, тодаз вайылэ пичи дыръёссэ.

«Ымысь ыме, пельысь пеле» мастер-класс пайдаё луоз нылпи садъёсысь воспитательёслы но, дышетӥсьёслы но, анай-атайёслы но.

Мария ВЕКШИНА

Удмурт Дунне
By Удмурт Дунне Август 10, 2016 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<