Эмезь кисьма, йӧл… чырса

Удмурт Дунне
By Удмурт Дунне 2 августа, 2016 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
- Куака, кушты содэ! Кӧтад йӧтоз!

— Куака, кушты содэ! Кӧтад йӧтоз!

Мыддорин но Азьдорин пумиськизы магазинын.

Азьдорин. Мар ай тон, Мыддорин, собыдӟа лупаен ветлӥськод? Оло, сиёнэ ватӥськем микробъёссэ адӟо кожад-а?

Мыддорин. Очкиен но синъёс уг адӟо ке гожтэмзэ, кияд телескоп но кутод, ява. Алигес Ижысь одӥгысьтыз магазинысь сырок шуонъёс басьтӥ. Ӥӧл сиёнъёстэк одӥг нунал но улэм уг луы, нунокелэсь вуэмзэ ӧй возьма, ачим сии. Кӧтам йӧтӥз ведь. Вузан дырыз ортчем сиён вылэ ӝимиськем. Синтэм плёкан шуыса, кышно тани таӵе бадӟыматӥсь син басьтӥз мыным.

Азьдорин. Ма, ми но туж яратӥськом йӧллэсь дасям сиёнъёсты. Магазинъёстӥ очкитэк уг ветлӥськы, киме пыдлогес ӝажые тыршисько донгыны: амало вузчиос вужмем сиёнъёссэс азяз пуктыны выро угось.

Мыддорин. Коть йырын-пыдын месӥськы ӝажые, кытысь ке палэнысь ваем дунтэм будос вӧйёсын суралтэм йӧл, вӧй, сыр шуонъёсты уд тодма. Ӟечлыксэс но, кийыгыриосыныд кутылыса, уд вала.

Азьдорин. Таиз ини Роспотребнадзорлэн Удмурт Элькунъя управленияз ужасьёслэн сюлмаськонзы. Туэ нырысетӥ кварталэ гинэ 5 сюрслэсь ятыр эскеронъёс ортчытэмын вал, йӧл сиёнъёс ӟечесь-а меда шуыса. Уродэн лыдъямын 90 килограмм йӧл сиёнъёс,  со пӧлысь 4 килограммез скал вӧй, 3 килограммез сыр, 83 килограммез, йӧлвыл но кузятэм (творог). Йӧл сиёнъёсы будос вӧйёс йылтэмын шуыса, ӝыны ар ӵоже 14 учыр шараяськем. Со пӧлын вань Удмуртиысь предприятие но. Кинъёс озьы даурто, берлогес шараялозы, пе. Та пумысен али эскеронъёс мыно. Чиньыоссы ас пала купырмемъёслэсь кылзэс юалозы. Нырысетӥ квартал понна гинэ 500 сюрс манет пала  штраф тырон юнматэмын.

Мыддорин.  Пӧяськись-ёсты шараямзэс возьмаса, кӧт купырмоз. Садам эмезе трос, йӧл басьтыса, лычсузьымонам сиё ай.

Азьдорин. Ойдо, ӵошен ик быръём вужмымтэ йӧлзэс.

Шӧкыч уром

Удмурт Дунне
By Удмурт Дунне 2 августа, 2016 15:00 Updated