Дунне иворъёс: Олимпиада усьтӥськиз, пужейёс быро, калыкъёс тодматско

Удмурт Дунне
By Удмурт Дунне Август 11, 2016 09:29

риоолимпДуннеын

Олимпиада усьтӥськиз

5-тӥ гудырикошконэ, асьме сямен уйин, Бразилиысь Рио-де-Жанейроысь «Маракана» стадионын усьтӥськиз  гужем Олимпиада.

Шудонъёсты сӥё-дано усьтонын Россилэсь флагзэ нуиз странаысьтымы тодмо волейболист Сергей Тетюхин. Медальёс понна вожвылъяськозы Россиысь 280 спортсменъёс. Удмуртиысь та Олимпиадае пыриськыны кулэ вал 17 спортсмен, но чемпион луон понна нюръяськозы шаерысьтымы ыбылӥськись Дарья Вдовина, гимнаст Давид Белявский но великен ворттылӥсь Антон Синцов гинэ.

Кылемъёсыз спортсменъёс, Россиысь тросэз атлетъёс сямен ик, Олимпиадае мынытэк кылизы допинген шедеменызы йырин. Олимпиада кыстӥськоз 21-тӥ гудырикошконозь.

Спортсменъёс али ик шуо ни: таиз Олимпиада трослы начар, кырсь но урод радъямын.

 Россиын

 Чер дугдытэмын

Ямалын кык арня талэсь азьло сибирь язвая карантин ялэмын.

Туннэ нуналлы Салехардысь больницаын эмъяське 90-лэсь уно адями, 23-езлэн шараяськиз та висёнэз, со пӧлысь 8-эз — нылпиос, одӥг пинал кулӥз. Сибирь язва Уйпалан улӟиз пӧсь гужемлы луыса. Черлэсь быриз 2 сюрс 300 пужей. Та вакытэ  250-лэсь уно военнойёс но 30 нимысьтыз техника висёнлэсь бервылзэ утялто, инкуазез сузяло но бырем пудоез суто. Матысь дыре Ямалэ эшшо 200 сюрс вакцина вуоз. Нош улон интытэк кылем пужей вордӥсь семьяослы выль 100 чум пуктэмын луоз.

дом дружбы народов Удмуртиын

 Тодматскомы поръёсын

Та нуналъёсы Можгаын ортче «Карусель планеты» конкурс.

Можгаын тупаса уло 48 пӧртэм выжыысь калыкъёс. Соосты ог-огенызы тодматон но эшлыко кусыпъёсты юнматон вылысь «Октябрь» культура юртын  туэ кылдӥз Калык культураосъя центр.  Ӵапак та центрын ужасьёс Эшъяськон юртэн валче  нырысьсэ ортчыто таӵе фестиваль. Конкурсэ пырисько Удмуртиысь но Марий Элысь егит кырӟасьёс, дуэтъёс, коллективъёс. Соос быдэсто ӟуч, удмурт но пор калык гуръёсты но туала кырӟанъёсты. 0+

Галина Семёнова

 

Удмурт Дунне
By Удмурт Дунне Август 11, 2016 09:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<