Алнаш ёросысь Муважи гуртын ортче «Кӧльыёшурма» этнофутуризмъя симпозиум

Удмурт Дунне
By Удмурт Дунне 4 августа, 2016 07:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
fXE41hHGTOQ

Вуоно симпозиум ортчоз Вавож ёросысь Какся гуртын. Отын суредасьёс капкаосты, коркаосты чебермалозы.

Кинъёс ми?

Арлы быдэ шаерамы шумпотыса вуо пӧртэм улосвылъёсысь суредаськисьёс.  Али соос люкаськизы Алнаш ёросысь Муважи гуртэ, «Кӧльыёшурма» этнофутуризмъя 9-тӥ симпозиуме. 12+

Тросэз тодосчиос верало, этнофутуризм фин-угор дуннеын гинэ улэ шуыса, но озьы уг малпало симпозиумез радъясьёс,  Ижысь суредасьёслэн «Ижкар» огазеяськоназы пыриськисьёс Юрий Лобанов, Александр Пушин но Сергей Орлов. Симпозиуме фин-угор улосвылъёсысь но кунъёсысь сяна —  Марий Элысь, Эстониысь, Финляндиысь — вуэмын тюрк но ӟуч выжыысь суредасьёс — Башкириысь, Татарстанысь, Пенза улосвылысь — ваньмыз 28 пала художникъёс.  Люкаськемзылы быдэ этнофутуристъёс ялан утчало ас лулзэс, валаны туртто пуш дуннезэс но котыр улонэз.

— Симпозиумын котькуд суредась кылдытэ аслэсьтыз мифологизэ, калык сямъёс, вашкалаез вылэ пыкиськыса, — вера Юрий Лобанов. —  Симпозиумын кылдэ аспӧртэмлыко творческой инты, омыр но татын мукет луэ. Ми асьмелы юан сётӥськом: кинъёс ми? Но творчество пыр солы валэктон сётыны турттӥськом, асьмелы мќзмыны ум сётћське.

Россиын та выллем симпозиумъёс ӵем уг ортчыло, нош творческой адямиос, огазе люкаськыса, асьсэлы выль кужым басьто, ог-огзылы матэгес луо. Этнофутуризм вордӥськиз Эстониын 1898-тӥ арын, со дыръёсы ик Удмуртиын радъяськыны кутскизы этнофутуристической симпозиумъёс но. Кызьы вера тодосчи Виктор Шибанов, этнофутуризмлэн быремез сярысь кунгож сьӧрын кемалась верасько ни, но Удмуртиын со та дырозь улэ на. Этнофутуризм уз но быры, уго этнофутуристической симпозиуме шумпотыса пырисько егит суредасьёс. Шаермы пӧрме этнофутуризмлэн шоркарезлы.

Суредасьёс Муважиын ужало ке но, симпозиумлэн нимыз герӟаськемын бырем Кӧльыёшурма гуртэн. Солэн интыяз ик, Кам шур дурын, ужрадлэн берпуметӥ нуналаз, 12-тӥ гудырикошконэ, адӟыны луоз 2 арня ӵоже суредам ужъёсты, кылдытэм перформансъёсты. Кӧльыёшурма — туж тунсыко инты, верало радъясьёс. Та гуртлэн ӝыныез, Нижнекамской ГЭС-эз лэсьтыку, ву улэ шедиз. Соин сэрен отысь улӥсьёс кылем дауре каллен кошкылыны кутскиллям. Али со интыын изъёс, корка бервылъёс гинэ кылемын на.

Вуоно симпозиум ортчоз Вавож ёросысь Ӟозлуд гуртын. Отын суредасьёс капкаосты, коркаосты чебермалозы. Та малпанэз Вавож администрация умоен лыдъяз ни. Со понна нимысьтыз ульча висъяськоз.   Кызьы вера Юрий Лобанов, таӵе ульча шаерамы нокытын ӧвӧл на!

Мария Векшина

Удмурт Дунне
By Удмурт Дунне 4 августа, 2016 07:43