8 тубатлы ӝутӥським!

Удмурт Дунне
By Удмурт Дунне Август 6, 2016 09:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Удмуртилэн Тќроез А. Соловьев пумиськылћз Россиысь Правительстволэн Тӧроеныз Д. Медведевен.

Удмуртилэн Тќроез А. Соловьев пумиськылћз Россиысь Правительстволэн Тӧроеныз Д. Медведевен.

3-тӥ августэ Александр Соловьев пумиськылӥз Россиысь Правительстволэн Тӧроеныз Дмитрий Медведевен.

Ӵапак та пумиськон дыръя Удмуртилэн Тӧроез кенешыны малпа вал шаерамы кылись вытъёс пумысен. Ортчем арын Удмуртиысь 66 процентэз вытъёс федерал кисые кошкизы.

Дмитрий Медведевен пумиськон дыръя Александр Васильевич мадиз шаерамы социальной удыслэн, экономикалэн азинскемзы сярысь. Пусйиз: туала секыт вакытэ но республика азьлань вамышъя. Тае возьмато лыдпусъёс. Кылсярысь, туэ ӝыны ар ӵоже Удмуртиын вордӥськемъёс, улонысь кошкемъёсын ӵошатыса, 726-лы тросгес луизы. Ӟечгес азинскиз промышленность. Шаерысьтымы 27 валтӥсь предприятиос пӧлысь 20-ез вуз поттонзэс будэтӥзы. Огсыр ужало обороная предприятиосмы, ӝот-ӝот быдэсто кун заказэз. Улон инты но, кылем арен ӵошатыса, 20 процентлы тросгес пуктэмын.

Удмуртилэн Тќроез Дмитрий Медведевлы возьматӥз выль социальной объектъёслэсь туспуктэмъёссэ. Таос пӧлысь оглюкетэз алигес гинэ быдэстэмын ай. Кылсярысь,  «Егитъёслы квартира» программая пуктэм юртъёс, Сарапул ёросысь Сигаево гуртысь стадион, МФЦ, ФАП юртъёс но мукет. Возьматоно кариськиз Ижысь выль «Столичный» микрорайонысь вуоно школалэсь, Кам вамен вуоно выжлэсь тусъёссэс но.

Александр Соловьев палэнэ ӧз кельты гурт удысэз но. Пусйиз, туннэ нуналлы йӧл поттонъя Удмуртия Россиысь 10 тужгес усто улосъёс пӧлы пыре, нош етӥн будэтонъя — 5 устоосыз пӧлын.

Социальной удыслэн но экономикалэн азинскемзыя Удмуртия берло дыре 8 тубатлы выллань ӝутӥськиз: 46-тӥ интыысь 38-тӥе. Нош инвестициосты кыскыны быгатэмезъя — 43-тӥысен 29-тӥе. Кызьы озьы быгатӥм? Александр Васильевичлэн верамезъя, бадӟым инвестпроектъёслы (50 миллион манетысен кутскыса) музъем участокъёс конкурстэк сётъяны кутскемын вал, инвесторъёс ваньбур понна вытъёслэсь мозмытэмын, прибыльлы вытъёс 10 процентозь кулэстэмын но мукет.

Пумиськон дыръя вераськон мынӥз на нылпиослэсь гужем шутэтсконзэс радъян сярысь но Кам кузя туристъёслы чаклам кластерез азинтон пумысен. Вераськон йылпумъяськем бере Александр Васильевич Дмитрий Медведевез ӧтиз Удмурт шаерамы куное вуылыны.

Елена ВАСИЛЬЕВА

 

 

Удмурт Дунне
By Удмурт Дунне Август 6, 2016 09:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<