«Юр-яр» вазёз юр-яр

Удмурт Дунне
By Удмурт Дунне 26 июля, 2016 15:39
юр -яр

Нош ортчоно сюрес капчи ик ӧвӧл: меӵ вырйылъёс, нюр интыос, ӵем сик.

Инкуазь. Палатка. Тылскем вылын пӧраськон. 30-тӥ-31-тӥ пӧсьтолэзе «Шунды» огазеяськон ужась егитъёс понна 3-тӥзэ ортчытэ ни «Юр-яр» турслёт.

Кылем арын кадь ик, удмурт туристъёс люкаськозы Вотка ёросын Болгуры палан. Иж дорысь Воткинск пала мыныку, 37-тӥ иськемын интыяськемын «Шунды» огазеяськонлэн Вотка ёросысь ёзэзлэн кивалтӥсезлэн Дмитрий Черыговлэн музъемез. Отын будо нюлэсъёс, куспазы шудо вырйылъёс но нёжалъёс, жильыртэ ошмес. Ӵапак туристъёслы кадь инты. Дмитрий Черыгов «Юр-ярлы» мыло-кыдо дасяське, юрттӥсько солы «Шунды» огазеяськонысь егитъёс, Вотка ёросысь администрация. Та ужрадэз дораз ортчытыны воргорон ачиз ик дэмлаз.

— Туэ ужрадэ трос воштӥськонъёс пыртӥмы, — вера Дмитрий Черыгов. — Кылем арын турслётэ пыриськем командаос туристической сюресэз тодо ни шуыса, ми сое воштыны малпам. Командаос выль шуг-секытъёс пыр ортчозы, сюрес 2 поллы кузёмытэмын. Кылем арын со 4 иськем вал. Командаын луыны кулэ 10 адями, 5 ныл, 5 пи. 8-эз турполосаез ортчоз.

Нош ортчоно сюрес капчи ик ӧвӧл: меӵ вырйылъёс, нюр интыос, ӵем сик. Егитъёслы кулэ луоз на пӧраны сиён, бивуакъёссэс шонер но чебер пуктыны, лэсьтоно на командазы сярысь удмурт кылын видеоролик, дасяно визитка. Ӝытазе егитъёс футболэн, волейболэн шудозы, эктыса шутэтскозы.

Турслётэ пыриськыны мылкыдды сярысь ивортоно 28-тӥ пӧсьтолэзёзь troninaolga@yandex.ru электрон адресъя.

Иворчи

Удмурт Дунне
By Удмурт Дунне 26 июля, 2016 15:39