Удмурт тодосчиос — устоосыз

Related Articles

• Кыӵе пайдаен берытскоз яркыт ужрад? 0 23.Окт
• Кунгож сьӧрысь техника уз басьтэ ни 0 15.Июл
• Кырӟась пиослэн фестивальзы 0 07.Фев

Кемалась ик ӧвӧл Кировын ортчиз нылпиосты но егитъёсты будэтон, визьнодан но дышетон ужпумъёслы сӥзем конкурс.

Сое ортчытӥз Россилэн Президентэз бордын ужась Калык хозяйствоя но кун службая академилэн Кировысь филиалэз. Вожвылъяськонэ пыриськизы быдэс Россиысь тодосчиос, дышетӥсьёс, студентъёс, пиналъёсын ужась, калыклы улон-вылонын юрттэт сётон удысын тыршись специалистъёс, оглом 300-лэсь уно адями. Дунъясьёс 183 усто ужъёсты бырйизы.

Конкурсын нырысетӥ интые потӥзы удмурт тодосчиос, Дышетонэз азинтонъя институтысь Этнокультурая тодон-валан сётонъя центрлэн кивалтӥсез, история наукаосъя кандидат Рустам Касимов но Дышетонын федерал кун стандартъёсты пыӵатонъя центрлэн кивалтӥсез, филология наукаосъя кандидат Андрей Клементьев. Соос конкурсэ ыстӥзы кылем арын поттэм «Планирование содержания этнокультурного образования в школе в рамках основной образовательной программы основного общего образования» пособизэс.

— Милям та ужамы дэмланъёс сётэмын, кызьы дышетонлэсь калык культурая пуштроссэ пыӵатыны выль стандартъёсы, пӧртэм предметъёсъя урокъёсы но кружокъёсы. Ми сётӥськомы удмурт, бигер, пор калыкъёслэсь аспӧртэмлыксэс дышетонъя дэмланъёс, татын вань практической люкетэз но. Пособие пыртэмын шаерысьтымы школаослэн тунсыко дэмланъёссы, ӵектонъёссы, кудъёсыз тунсыко луозы но юрттозы мукет дышетӥсьёслы но, — шуэ Андрей Клементьев.

Галина Семёнова