Удмурт кыл — телефонын

Related Articles

• 10 нунал куспын — 100 сюрс манет
• 8-тӥ южтолэзен!
• Зарни!

Удмурт кылын электрон программаос, шудонъёс ӧжыт. Та югдурез тупатыны турттэ Нациосын ужан политикая министерство. Со удмурт культурая «Дэмен» огазеяськонэн ӵош ялэ «Инбам» конкурс.

Вожвылъяськонэ пыриськыны котькин быгатэ. Со понна малпано электрон программа. Шудонды герӟаськемын мед луоз удмурт кылэн. Кылсярысь, кылем арын тодмо удмурт программист «Ӟенелик» шудон лэсьтӥз, соин, телефоназ пуктыса, котькудӥз шудыны быгатэ. Вожвылъяськонэ пыриськон понна гожтоно проект, со 250 сюрс манетлэсь дуно медаз усьы.

Вожвылъяськонэ пыриськыны мылкыд каремды сярысь ивортоно 8-тӥ гудырикошконозь Нациосын ужан политикая министерствое таӵе адресъя: Орджоникидзе урам, 33-тӥ «а» юрт яке minnac@udm.net электрон адресъя.

«Удмурт дунне»