Туризмъя «Дорвыжы» вожвылъяськон ортчиз Балезиноын

Удмурт Дунне
By Удмурт Дунне 7 июля, 2016 11:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
сюмси

Бадӟымъёс пӧлын вормисе потӥзы Сюмси школаысь егит туристъёслэн командазы.

Кылем арняе шаерысьтымы покчи туристъёс люкаськылӥзы Балезино ёросэ. Соос понна ортчиз туризмъя но шаертодонъя «Дорвыжы» вожвылъяськон.

Балезино музъем вылэ вуизы Ижысь, Можгалась Сюмсиысь, Глазовысь, Уваысь но Балезиноысь пиналъёс — оглом 10 команда. Соос пӧртэм шуг-секытъёс пыр потӥзы. Пусйымон, турполоса удмурт «Дорвыжы» эпосъя лэсьтэмын вал. Сое ортчем сяна, пиналъёс асьсэ командаосынызы тодматӥзы, кылбуръёссэс лыдӟизы, удмурт калык шудонъёсты адӟытӥзы, Кестым гурт кузя туристъёслы маршрут кылдытӥзы.

— Милям командамы, Кожильгурт школаын дышетскисьёс, арлыдзыя шоро-куспо нылпиос пӧлын нырысетӥ инты басьтӥз, — вера «Дорвыжыез» радъясь, Кожильгурт школаысь историяя дышетӥсь Мария Феоктистова. — Ми туала манеръя возьматӥм «Лӧпшо Педуньлэн 7 нылпиосыз» шудонэз. Кестым кузя тунсыко маршрут но малпамы: Кестымын вордскем, инсьӧрысь Ахмаров-Юрлов-Хассел нимо кометаез шедьтэм И. Ахмаровен тодматон, солэн юртаз ветлон, вуж мечете пыран.

Бадӟымъёс пӧлын вормисе потӥзы Сюмси школаысь егит туристъёслэн командазы.

Мария Векшина

Туспуктэм: sumsi-adm.ru

Удмурт Дунне
By Удмурт Дунне 7 июля, 2016 11:15 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<