Таза скал — ӟеч йӧл

Удмурт Дунне
By Удмурт Дунне Июль 29, 2016 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Шаерысьтымы 35 хозяйствоын лейкозэн висись скалъёс вань.

Шаерысьтымы 35 хозяйствоын лейкозэн висись скалъёс вань.

Гурт удыс азе чурыт курон пуктэмын: 2021-тӥ арлы лейкозэн висись но та вирусэз нуллӥсь одӥг скал но медаз луы.

Одӥг ке но пудо лейкозэн висе шуыса, шараяськиз ке, улосысь пудо вордон удыслы федерал бюджетысь субсидиос уз ни висъяське. Россиысь Правительствоын кенешон дыръя кивалтӥсьёс пусйизы: вуоно арысен луонлыкъёс утчано но уксё висъяно, эштосъёс висись пудоез пинал но таза ветылъёсын воштыны мед быгатозы шуыса. Туннэ нуналлы Удмуртиысь 15 ёросысь 35 хозяйствоын лейкозэн висись скалъёс вань. Кылсярысь, Дэри но Кияса ёросъёсын — 4 эштосын, Можга, Юкаменск, Красногорск районъёсын — 3-яз. Быдэн 2 хозяйствоосын Кизнер, Сьӧлта, Шаркан, Сюмси, Ува ёросъёсын но быдэн одӥг фермаын Дэбес, Камбарка но Эгра палъёсын.

Удмуртиысь Пудо эмъянъя валтӥсь управленилэн кивалтӥсез Геннадий Бурдов верамъя, туннэ нуналлы шаерамы 25 сюрс 104 сюро таза пудо пушкы лейкозлэн вирусэз шедемын, со пӧлысь 12 сюрс 656-ез — кысконо скалъёс.

— Котькуд нунал та скалъёслэсь 130 тонна йӧл кыско, со шаерамы вань поттоно йӧллэн 8 процентэз луэ. Вераны кулэ, та скалъёс лейкозлэсь вируссэ нуллӥсьёс гинэ луо, соос уг висё. Но пушказы вирус улэ бере, соосты одно ик эмъяно, пудо висьыны медаз кутскы шуыса. Та скалъёслэсь йӧлзэс быректӥськод ке, адямилы со нокыӵе кышкытлык уг кылдыты. Но лейкоз трос сюлмаськон вае хозяйствоослы: таӵе скаллэн кунянэз угось висись вордӥське, уно ыштонъёс адӟо огшоры фермаос но, ӟеч выжы уськытонэн вырись эштосъёс но. Соин ик пудоез воштыны ӝоггес тыршоно, таза скал трос но ӟеч йӧл сётэ. Лейкозэн нюръяськонъя планмы вань. 2009-тӥ арын шаерамы 161 хозяйствоын сюро таза пудо пӧлын та черъя югдур шугъяськытӥз ке, туэ 35-яз гинэ на. 2 ар куспын тыршомы вань уллёез лейкозлэсь мозмытыны, — шуиз Геннадий Бурдов.

Галина Семёнова

Туспуктӥз А. Горбунов

Удмурт Дунне
By Удмурт Дунне Июль 29, 2016 12:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<