Сютэм семьяос медаз луэ!

Удмурт Дунне
By Удмурт Дунне 11 июля, 2016 12:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кыӵе со — туала семья? Мар лэсьтӥське, нылпиосмы таза мед будозы шуыса, шудо семьяос тросгес мед луозы шуыса? Та но мукет ужпумъёс эскеремын Воткаын.

1 сюрс 300-лэсь ятыр адями тазалыксэ эскериз, визь-кенеш басьтӥз.

1 сюрс 300-лэсь ятыр адями тазалыксэ эскериз, визь-кенеш басьтӥз.

«Юбилейный» культурая юртэ туж трос калык люкаськиз: нылпиос, егитъёс, мӧйыос. Ваньзэс соосты огазеяз «Таза семья — таза город» форум. Вазь ӵукнаысен асьсэлэсь быгатонлыкъёссэс возьматыны кутскизы ни городысь спорт школаосы, секциосы ветлӥсьёс. Культурая юртлэн азбараз огез бӧрсьы мукетыз потӥзы егит сумоистъёс, кикбоксёръёс, футболистъёс, волейболистъёс… «Егит гвардия» огазеяськонысь егитъёс возьматӥзы зарядка, мадизы солэн кулэлыкез сярысь:

— Мугор ёзвиосты нуналаз ӝыны час ке но куасалляськод ке, юнмало сюлэм, сэръёс, сылмо мултэс килограммъёс, ӝутӥське мылкыд.

Нош та вакытэ ик культурая юртын ужазы 57 эмъясьёс: терапевтъёс, педиатръёс, кардиологъёс, маммологъёс, психологъёс, наркологъёс, дерматовенерологъёс но мукетъёсыз. Вирзӥбетэз, вирысь сакырез, ӝуждалаез, секталаез мертаны луиз, ужаз рентген лэсьтон аппарат… Котькуд специалист доры соку ик кузь черодъёс кылдӥзы. 1 сюрс 300-лэсь ятыр адями тазалыксэ эскериз, визь-кенеш басьтӥз.

Форумез радъязы Кун Кенешысь «Огъя Россия» партилэн фракциез но Тазалыкез утёнъя, демографияя но семья ужпумъёсъя ялан ужась комиссия. Таӵе ужрадъёслэсь бадӟым кулэлыксэс пусйизы Удмуртиысь Тӧролэн но Правительстволэн администрациенызы кивалтӥсь Андрей Гальцин, Удмуртиысь Общественной палаталэн кивалтӥсезлэн воштӥсез Алексей Шепталин.

— Висёнэз алыны трослы капчигес, йӧнатӥськон сярысь, — вераз Кун Кенешысь тазалыкез утён понна кыл кутӥсь комиссилэн кивалтӥсез Светлана Кривилёва. — Соин ик Россиын кылдытыны чакламын таза улонэн эшъяськонлы сӥзем программа, бӧрысь сое ас доразы юнматозы улосъёс но. Нош «Огъя Россия» партилэн «Улонлэн ӟечлыкез — тазалык» программаез чотын Россилэн бюджетысьтыз элькунамы 6 миллион манет вуиз, соин выльдэмын эмъян учреждениос, басьтэмын эмъян тӥрлык.

2016.07.01 воткинск4

Форумын бадӟым саклык висъяськиз трос нылпиё семьяослы юрттонлы, пиналъёслэсь тазалыксэс утёнлы.

Форумын бадӟым саклык висъяськиз трос нылпиё семьяослы юрттонлы, пиналъёслэсь тазалыксэс утёнлы. Кызьы пусйиз калыкез утён, семья но демография политикая министрлэн воштӥсез Анжелика Клокова, элькунамы йылэ 3 но солэсь тросгес пинал будэтӥсь семьяослэн лыдзы. Туэ ар кутсконын гинэ соос 18 сюрс 309 вал ке, туннэ нуналлы 19 сюрс 500 луизы ни. Но жаляса верано, пе, пӧлысьтызы 80 процентэзлэсь ятырез ёрмыса уло. Соин ик соослы юрттонъя программаослэн кулэлыксы туж бадӟым. Озьы али трос нылпиё семьяосысь котькуд пиналэз школаын сюдонлы нуналаз 30 манет висъяське, 2017-тӥ арын сое 40 манетозь йылтыны чакламын. Студентъёслэн семьяязы пинал вордскыку, кылем арын одӥг пол 7 сюрс манет сётӥське вал, туэ 10 сюрс манет висъяське ни, вуоно арын сое 15 сюрс манетозь вуттыны чакламын.

Элькунысьтымы нылпиослэсь правооссэс утёнъя уполномоченной Ольга Авдеева ӝожомемзэ вераз: быдэ вуымтэосын герӟаськем йыружъёс ӧжыт ӧвӧл. Кылсярысь, школаосты йылпумъясь егитъёслэсь выпускнойёссэс одӥг дырегес ортчытъяно. Али соос толэзь пала кыстӥсько, югдурез утисьёслы соосты чакланы капчи ӧвӧл.

Юалляськон ортчытэмын Воткаын улӥсьёс пӧлын. Отчы 500 пала адями пыриськиз. Тодмо луиз: 80 процентэз пиос но 99 процентэз нылъёс лыдъяло: семья кылдытоно 18-25 аресысен. 78 процентэз семья кусыпъёсты загсын юнматонэз умоен лыдъяло, 10 процентэз быръё гожтӥськытэк улонэз, 11 процентэзлы сюлэмзыя эркын улон. Воткалэсь йырзэ Владимир Перевозчиковез уката шумпоттӥз мукетыз лыдпус: юалляськонэ пыриськемъёс пӧлысь 46 процентэз умоен лыдъя, семьяын 2-3 пинал будэ ке, 10 процентэз — 3 но солэсь тросгес ке. Озьыен, Воткаын уз чусомылэ нылпи куараос.

Удмурт Дунне
By Удмурт Дунне 11 июля, 2016 12:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<