Шулай выжыысь мон

Удмурт Дунне
By Удмурт Дунне Июль 29, 2016 16:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Мон Шулай выжыысь Насьта. Песятае шулаз оло ӧз, уг тодӥськы, но сое Шулай Сенька шуо вылэм. Нош мон юнме шорысь та нимез уг нуллӥськы.

Кытысь кылод меда соку гинэ вордӥськем нунылэсь шуламзэ? Сыӵезэ уд шедьтэ. Ваньмыз, югыт дуннее потэмзылы шумпотыса, черекъяло-бӧрдо. Нош мон, мемие верамъя, шуланы йӧндыриськем. Шулдыр улонме шӧдӥськем, вылды. Пыдъяськеме бере ини, капка ултӥ ураме потакум, дэриен наштаськем чиньыосме ымам понӥсько но урам тыр шултӥсько, пе, вал. Вань коӵыш-пуныос кир-пазь пегӟо. Со гинэ мар, эрказ бызьылӥсь пуныосты, сюлоен шлач! карыса но шултыса, кышкатъясько вылэм.   Мемие туж возьдаськылӥз озьы ветлэмысьтым:

— Ма, тон ныл ук, кытысь кылод-адӟод шуласа калгись пичи дыдӥосты. Ӧжыт-а, мар-а  мунёосыд! Шуд соосын, визьмаськы!

Мемиелэсь тужгес ик йӧтылӥз коркан шуламысьтым. Коӵышмес шултыса кышкатъясько вал. Чиньыосме ымам понэмме адӟе гинэ но ури-бери гулбече пегӟе.

— Шуламысьтыд, нылы, ванез но тӧлӟыса ышоз-быроз, — керӟегъяськылӥз мемие. — Выжыкылъёсысь укылтэм Соловей разбойниклы пӧрмод тазьы.

Верам кылыз быдэсмиз, школае мынӥ но атаманша луи — пиосын только так кивалтӥсько. Кинлы визь тыроно, кинлэсь кисыоссэ сузяно — мынэсьтым шултэмме гинэ возьмало. Дышетскыны сьӧр гуртэ ветлӥм. Ӵукна эшъёсме коркасьтызы шуласа поттылӥ. Куд-огез шуылӥз, учконо, пе, вал юбка улаз, оло, воксё нылаш но ӧвӧл. Мон пумитазы шултылӥ гинэ. Быдэ вуэмея мемие сюлмаськыны ӧдъяз:

— Нылы, тон кадь ортчыт нылъёс шоры пиос уз учке ук.

Ма, таиз но верамез зэмаз. Ачим кадь ик гурт кузя шуласа калгись Помка Васька гинэ дэмлаз:

— Ойдо, Насьта, паръяськом, кимес кутыса, гурт кузя ӵошен шуласа поръялом, улонмес шулдыртом.

Визьмыз сураськем муртлы гинэ ярано луи шуыса, вань пушкы бугыртӥськиз. Малпасько, тазьы вань ныл даурдэ шулатод. Городэ кошки. Отын нокин уг тоды ук шуламме. Но та быгатонлыке ик калыке поттӥз монэ. Пель сьӧрам кылӥськиз, шуланы быгатӥсь мурт, пе, кулэ кырӟась-верасьёс пӧлы. Э, мемие ӧвӧл ни. Адӟы вылэм, кызьы мон сцена вылын чипсыса ик шуласько. Туэ мыным «Дано артист» ним сётӥзы.

Николай Трубачев

Удмурт Дунне
By Удмурт Дунне Июль 29, 2016 16:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<