«Шудкарлэн» азбаръёсаз

Удмурт Дунне
By Удмурт Дунне 7 июля, 2016 10:35
кышет кертто

Раиса Моторина дышетӥз кышетэз 8 пумо керттыны.

Дэри ёросын ортче «Шундысиос» нылпи движенилэн лагерез — «Шудкар». Отчы вуэмын Пичи Пурга, Кез, Дэри, Шаркан ёросъёсысь 25 пиналъёс.

Ӵапак та ёросъёсын умой азинске удмурт нылпиос понна кылем арын гинэ кылдэм «Шундысиос» движение. Огазеяськонлэн кивалтӥсез Н. Казакова верамъя, лагерь ӵоже пиналъёс малпаськозы движенилэн азьлань сюресэз, улонэ пыӵатоно проектъёс сярысь.

«Шудкар» лагерь Дэриын нырысьсэ уг ортчы ни. Азьвыл отчы люкаськылӥзы Дэриысь гинэ пиналъёс.

— Кылем аръёсы пиналъёсын ми наукаен вырим, Пыӵанкае потамы, фольклор бичамы, — вера кылем аръёсы «Шудкар» сменаез радъясь Ангелина Байсарова. — Туэ смена паськытаз — дорамы вуизы мукет ёросъёсысь пиналъёс но. Сменалэн ӧрез но воштӥськиз.

— Валтӥсь интыын — пиналъёсты удмурт сям-йылолъёсын но туала культураен тодматон, — азьланьтэ Дэри школаысь историяя дышетӥсь Ксения Ванюшева. — Туала удмурт культура интыяз уг сылы, азинске, тае ми возьматыны турттӥськом, тунсыко адямиосын пумиськонъёс ортчытъяса, но со дыре ӧвӧл вунэтоно вашкала сям-йылолъёсты но. Ми потамы гуртъёсысь песянайёс доры, соослэсь мадёсъёссэс видеое пуктылӥмы. Пӧламы вань ӟучомем пиналъёс — соосты ми удмуртомытыны тыршиськом.

мынам удмуртие

Пиналъёс «Мынам Удмуртие» радиоын.

Дэри школаын удмурт кылэз али факультатив амалэн гинэ дышето — арняяз одӥг пол. Валамон, пиналъёс со дыр куспын удмурт кылэз вылтӥз гинэ дышето. Нош та лагерьын соос улэп кылэн пумисько — вӧзазы уло удмурт пиналъёс.

— Шутэтскыны пичи но дырмы ӧвӧл, — вера Кез ёросысь Софья Ворончихина. — Станциосъя бызьылыса вуттӥм гинэ, милемыз мукет интые нуо ни.

Нырысетӥ нуналъёсаз ик пиналъёс видео лэсьтыны но иворъёс гожъяны дышетскизы — мастер-класс ортчытӥзы «Удмурт дунне» газетын ужасьёс, «Шунды» огазеяськонлэн ёзчиез видеоен вырись Влад Степанов но журналист Мария Векшина. Табере лагерьлэн «ВКонтактеысь»  бамаз — «Шудкар 2016» — лыдӟыны луэ, мар каро та минутэ пиналъёс. Кылсярысь, 5-тӥ пӧсьтолэзе нуназе бере соос доры куное ветлӥз Дэриысь «Мќзмон» клубен кивалтћсьР.  Моторина, возьматӥз, кызьы удмурт нылъёс кышет кертто: выль кен — ас сяменыз, бызьымтэ ныл — мукет сямен. «Шунды» огазеяськонлэн ёзчиез М. Агафонов валэктӥз, кызьы ас малпандэ шонер верано но споръяськонын вормоно.  7-тӥ пӧсьтолэзе «шудкаръёс» кен пылатӥзы — озьы соос огласянь, удмурт сям-йылолэн тодматскизы, мукет ласянь, пӧсьлэсь утиськизы. Мастер-классъёс, калыкен пумиськонъёс, удмурт  культураен тодматскон пиналъёсты узыргес каро, соослэсь дунне шоры учконзэс паськытато — оглом бадӟым но шудо улонлы дасяло.

Мария Иванова

 

Удмурт Дунне
By Удмурт Дунне 7 июля, 2016 10:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<