Шӧкыч: Корт лушкасьёс

Удмурт Дунне
By Удмурт Дунне 15 июля, 2016 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
0104260,деревня Карамас-Пельга,дом,жилье,автобусная остановка,Киясовский район

Пу остановкалы синмаськисьёс ӧвӧл…

Дэри ёросысь Шабердые кылем арын гинэ пуктэмын вал автобус дугдылонни. Нош та нуналъёсы сое ӧжытак гинэ ӧз лушкалэ.

Йыртэмасьёс — кык егит воргоронъёс, огез Ижысь, мукетыз Якшур-Бӧдья районысь. Кыксы но азьло суд улэ сюрылэмын. Автобус остановкаез лушканлы вазен ик дасяськиллям, шӧдске. Вуиллям отчы грузовой машинаен, инструментъёсын. Кема ӝегатскытэк, остановкаез юдылыны кутскиллям корт бичасьёслы нуыса вузан вылысь.

Ярано, гурт калык ваньзэ тае синйылтэм, соку ик  Шаберды администрациен кивалтӥсьлы Дмитрий Королёвлы жингыртӥсьёс но шедиллям.

— Мон отчы вуыку, соос резь-куаж «ужало» ни вал, — вераз Дмитрий Владимирович. —  Асьсэды дорожникъёс шуизы.

Администрациен кивал-тӥсь соку ик мазэ-созэ валам: дугдылонниез ас кужыменызы пуктӥзы вал, малы соин кузёяськыны кулэ «Удмуртавтодор»? Собере, юнме лыктыса, сое кесяны уз кутске ук, та сярысь нырысь ик одно администрацие ивортозы…

Дмитрий Королёв ӧтиз полицейскойёсты. Соос вуытозь, гурт калык йыртэмасьёслы пегӟыны ӧз сёты.

Туннэ нуналлы ӝутэмын уголовной уж. Гурт администрация 50 сюрс манет тыр ыштонъёс адӟиз. Удмурт Республикая МВД-лэн пресс-службаез ивортэмъя, Уголовной кодексысь 161-тӥ статьяя йыртэмасьёс 7 арлы пытсэт сьӧры шедьыны быгатозы.

Шӧкыч уром

Туспуктӥз А. Горбунов

Удмурт Дунне
By Удмурт Дунне 15 июля, 2016 16:40 Updated