Пудо возьмась

Удмурт Дунне
By Удмурт Дунне Июль 5, 2016 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Наташа вазенгес быземын ни. Анаез-атаез доры адӟиськыны бертӥз. Ӧсэтӥ пырыса вуттӥз-а, ӧз-а — анаез вераз ни: ӵуказе пастуханы черодмы.

Туала арын пастухе пырись уг сюры ни, соин ик гуртоос черодэн ветло.  Ӵукна вазь ик Наташа скал возьманы бускельёсыныз ӵош кошкиз.

Возь вылэ вуизы гинэ — бускель кышно кӧнялы ке гуртэ бертыло ай, пе. Кошкиз. Макмырен лыктэм картэз соку ик гурезь улэ интыяськиз, изьыны выдӥз. Наташа чылкак огназ пастуханы кылиз. Скалъёс сьӧры солань-талань бызьылыса, воксё катьтэммиз ни. Кемаласьгес вал ни тазьы пастухе потамез — сюлмаське. Ма, скалъёс но шӧдӥзы, лэся, нылмуртлэсь огназ кылемзэ — бусые пырыны туртто. Бускель пиосмуртэз сайкатыны выриз ик вал, но соиз сэрзэ но ӧз вырӟыты. Мар карыны ик уг тод ни Наташа, вожез потэмын. Син азяз усиз скал табань — небыт, али гинэ скал кельтэм сое. Нылашлэн пыд улаз юри дасям кадь. Басьтӥз но  изись бускелезлэн йыр улаз понӥз. Небыт но, шуныт но луоз, эсьма. Нош ачиз уллёен кивалтыны кошкиз.

Кӧня ке улыса ни, бускель кышно но вуиз. Учке картэз шоры, пайме: мар луэм талы? Соиз копак наштаськемын, пиньёс гинэ на адӟисько. Кутскиз ук тышкаськыны, чабкылыса но утчаз. Мар, ӧд но учкы-а, мар-а, пе, кытчы выдэмдэ? Мукет инты но ӧд шедьты-а та быдӟа возь вылысь? Нош Наташа палэнэгес кошкиз но кӧттырмоназ серекъяз.

Гурьян Таня,

Алнаш станция

Удмурт Дунне
By Удмурт Дунне Июль 5, 2016 16:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<