Покчиосты осконо ужбергатӥсьёслы

Удмурт Дунне
By Удмурт Дунне 5 июля, 2016 13:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
0100629,поселок Игра,детский сад

Туннэ нуналлы элькунамы 862 нылпи сад ужа, со пӧлысь 2-ез гинэ — нимаз адямиослэн.

Берло дыре Россиысь тросаз улосъёсын кунлэн луисьтэм нылпи садъёс усьтыны туртто. Удмуртия но палэнэ уг кыльы. Но талы могӟетъёс сюро.

Та ужпумез алигес эскеризы Кун Кенешысь котрес ӝӧк сьӧрын. Отчы пыриськизы депутатъёс, Дышетонъя но наукая, Экономикая министерствоосысь специалистъёс, ужбергатӥсьёс. Кун Кенешысь Наукая, дышетонъя, культурая но егитъёсын ужан политикая ялан ужась комиссилэн кивалтӥсез Наталья Сударикова меӵак вераз: та ужпумез быдэстыны выронъямы кӧня пол мажес вылэ лёгиськылӥм ни — одно кыӵе ке могӟетъёс шедё.

Мар люкетэ? Та сярысь тупен-тупен вераз дышетонъя но наукая министрлэн воштӥсез Игорь Белозёров. Кылсярысь, Роспотребнадзор, Госпожнадзор чурытэсь куронъёс пукто, тросэз анай-атайёс частной нылпи сад понна тыронъёсты уг вормо, интыос уг сюро но мукет.

— Ӵектӥм вал: нылпи садъёс усьтоно муниципальной юртъёсы, соку льготаос тупатыны луоз, кылсярысь, коммунальной услугаос понна тыронъёсты кун ас вылаз басьтоз,  — шуиз И. Белозёров. — Но буш юртъёс ӧз сюре.

Туннэ нуналлы элькунамы 862 нылпи сад ужа, со пӧлысь 2-ез гинэ — нимаз адямиослэн. Россилэн Президентэз вазенгес ай ужпум пуктӥз: 3-7 аресъем пиналъёс пӧлын нылпи организациосы черодъёс луыны кулэ ӧвӧл. Удмуртия та куронэз быдэстӥз. Но черод пичи ӧвӧл 3 аресозь тэшкылиос пӧлын — туннэ нуналлы 21 сюрс пала куриськон. Озьыен, нылпи садъёсын интыосты азьланьын но йылэтытэк нокызьы уз луы. Выль нылпи садъёс усьтон пумысен проектъёс вань, кылсярысь, Ижын туэ 2-ез усьтӥськыны кулэ. Но со дыре ик 4-ез выльдэмез-тупатъямез кулэ каро ни.

— Кун чотын гинэ нылпи садъёсты тырмыт усьтыны туж секыт луоз, — пусйиз Наталья Сударикова. — Соин ик пӧртэм амалъёсты кутоно. Нимаз адямиослэн организациоссы республикаямы али но вань. Но соос асьсэдыз ваньмон дырез ортчытонъя центръёс шуо. Отын нылпиосты сюдо, дырзэс радъяло, но уг дышето. Со сяна, соос Дышетонъя но наукая министерствое но, мукет ведомствоосы но нокыӵе отчётъёс уг сёто, соин ик али валаны но туж шуг, кӧня сыӵе организациос, кӧня нылпиос отчы ветло.

Котрес ӝӧк сьӧры люкаськемъёс шуизы: таӵе организациослы кун ласянь юрттэт ӵектоно, соку соос асьсэды, оло, кыре-буре поттозы. Иж город, кылсярысь,  пиналзэс частной нылпи садэ нуллӥсь анай-атайёслы компенсация тырыны дась. Озьы ик таӵе организациосын пиналъёсты визьноданэз ас вылаз басьтоз кун. Озьы Ижысь «Весёлый светлячок» садлы туэ 2 но ӝыны миллион манет висъямы ни.

Вераськонэ лыктэм ужбергатӥсьёс куризы на: трос этажъем юртъёс бордысь азбаръёсы нылпиослы шудон-поръян интыос умой-умой лэсьтылоно, соку частной нылпи садъёсты усьтыны луысал улон коркаослэн нырысетӥ этажъёсазы но. Эшшо, пе, кылдытоно на  частной нылпи садъёслэсь но центръёслэсь ассоциацизэс.

Элина Кумачёва

Туспуктӥз А. Горбунов

Удмурт Дунне
By Удмурт Дунне 5 июля, 2016 13:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<