Поезд — быдэс дунне

Удмурт Дунне
By Удмурт Дунне 2 июля, 2016 08:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Чугун сюрес пӧртэм адямиосын тодматэ.

Чугун сюрес пӧртэм адямиосын тодматэ.

2 гужем ӵоже ужай проводникын. Блокнотам гожъялляй монэ паймытэм суредъёсты-учыръёсты. Тани соос пӧлысь куд-огъёсыз.

* * *

Мынӥськом Украина вӧзтӥ. Поездлэн одӥг пал укноосыз учко Россие, мукет палъёсыз — бускельёсмылэн музъемзы шоры. Та палъёсын шуныт, гурт калык будэтэм дынязэ вуза. Поезд дугдӥз. Ӧсъёсме усьтӥ но, соку ик одолизы — дыня, абрикос, алыча… Син шорам йӧтӥз пересь воргорон. Мугорыз куасьмемын ни — 80 аресъёс, луоз. Кияз пичи вож дыня возе.

— 50 манет! Басьтэ ини, — сюлворе со.

Солэсь емышсэ нокин басьтӥсь ӧз луы — мукетъёсызлэн дыняосы чебересьгес, ӵужесь, бадӟымесь.

— Дунтэк сётӥсько, басьтэ гинэ, — тани-тани бӧрдыны кутскоз песятай.

Нокин ӧз басьты. Пересь воргорон йырыз курен дынязэ платформа борды пазьгиз, берытскиз но каллен гинэ дор палаз вамыштӥз.

* * *

Краснодар палъёс. 5 час ӵукна. Абрикосэн вуз карисьёс уг изё ни. Нош пассажиръёс вагонъёсын пыс! каро на. Вераськыны кутски абрикос вузасен. Адске, со палэнысь вуэмын шуыса.

— Трос-а барыш поттӥсь-коды, абрикос вузаса? — юасько солэсь.

— Тырмыт. Мон дыня вузасько на.

— Кытысь тӥ соосты басьтӥськоды?

— Гурт калыклэсь. 1 дыня — 3 манет. Тӥледлы 3-зэ 100 манетэн вузаськом. Гужем џоже трос коньдон поттћськом.

—  Нош сезон быре ке?

— Гуртэ бертӥсько. Тӥляд татын кезьыт,  — воргоронлэн вылаз куртка дӥсямын.

Со ӧвӧл вуылэмын Удмуртие.

* * *

Вераськиськом военноен.

— Ож луоз.

— Туала вакытэ адямиос киосазы пыӵал уз кутэ ни, дыр. Политикъёс вераськозы. Кудпалан ожмаськыны кутскозы?

— Мон малпасько, кунмылэн лымшор палъёсаз.

Военной кӧня ке янгышаз. Ар ортчыса, ожмаськон пуромиз Украинаын, собере дуннелэн лымшор палаз — Сириын.

* * *

Поездмы Кинешмаысь Москвае мынэ. Дорам воргорон лыктӥз:

— Тӥ монэ Москваысь Кинешмае нуиды вал. Дорам бертыкум, нош ик тӥ сюриды. Мон адӟонлы уг оскиськы ке но, малпасько, асьмеос юнме выльысь ӧм пумиське шуыса.

Воргорон — Москваысь журналистъёслэсь тодон-валанзэс  будэтонъя институтлэн проректорез. Отын дышетскизы тодмо журналистъёс Тина Канделаки, Дмитрий Губерниев, Галина Власенюк…

— Мон журналистика факультетын дышетскисько, — юамысьтыз верай мон.

Та сярысь тодыса, воргорон мыным электрон почтазэ гожтыса кельтӥз. Кӧня ке ар ортчыса, мон, пе, тӥледыз уг тоды ни, но тӥ гожтэ мыным, дорамы дышетскондэс азьланьтыны юртто.

Со воргоронэн ми кема вераським на журналистика, удмурт но ӟуч литератураос сярысь. Мон солы удмурт кылын кылбурме лыдӟи. Сюлмы гань-гань луиз. Мӧзми вал ни визьмо вераськонъёслэсь.

Марина проводник

 

Удмурт Дунне
By Удмурт Дунне 2 июля, 2016 08:09 Updated